महिला टिम जापानसँग ८-० ले पराजित

काठमाडौँ । चिनमा जारी एशियन गेम्स अन्तर्गत महिला फुटबलमा नेपाल जापानसँग पराजित भएको छ।

सोमबार भएको खेलमा जापानले नेपाली महिला फुटबल टिमलाई ८-० गोल अन्तरले पराजित गरेको हो।

एशियन गेम्समा नेपाली महिला फुटबल टिमको लगातार दोस्रो हार हो। नेपाल यसअघि पहिलो खेलमा भियतनामसँग २-० गोल अन्तरले पराजित भएको थियो।

एशियन गेम्स अन्तर्गत नेपालले आफ्नो समुह चरणको अन्तिम खेल विहिबार बंगलादेशसँग खेल्ने तालिका रहेको छ।