मलेसियाविरुद्ध नेपाल ५० रनमा अलआउट

मलेसिया भ्रमणमा रहेको नेपाली महिला क्रिकेट टोलीले पहिलो खेलमा खराब सुरुवाती ब्याटिङ गरेको छ ।

बांगाईस्थित युकेएम-युएसडी मैदानमा टस हारेर पहिले ब्याटिङ गरेको नेपाल १६.५ ओभर खेल्दै ५० रनमा अलआउट भयो ।

नेपालका लागि सम्झन खड्काले सर्वाधिक १३ रन बनाउँदा ज्योती पाण्डेले ११ रन जोडिन् । यसबाहेक अन्य खेलाडीले दोहोरो अंकमा रन बनाउन सकेनन्।

मलेसियाका लागि निक नुर अतिएलाले सर्वाधिक ३ तथा अइन्ना हामिज हासिम, अइस्या एलिसा र माहिरा इज्जाती इस्माइलले २-२ विकेट लिइन । 

पाँच खेलको टी-२० अन्तर्राष्ट्रिय शृखंलाका लागि नेपाल मलेसिया भ्रमणमा रहेको छ।