मुम्बईलाई हराउदै लखनऊ आइपिएलको प्लेअफ नजिक

काठमाडौ- इन्डियन प्रिमियर लिग (आइपिएल) मा मुम्बई इन्डियन्सलाई पराजित गर्दै लखनऊ सुपर जायन्ट्स प्ले अफ नजिक पुगेको छ।

राति भएको खेलमा लखनउले मुम्बईलाई ५ रनले पराजित गरेको हो।

लखनऊ सुपर जायन्ट्सले जितका लागी दिएको १७८ रनको विजयी लक्ष्य पछ्याएको मुम्बई निर्धारित ओभरमा ५ विकेट गुमाएर १७२ रनमा समेटियो।

त्यसअघि सुरुवातमा टस हारेर पहिले ब्याटिंग गरेको घरेलु टोली लखनऊले निर्धारित २० ओभरमा ३ विकेट गुमाएर १७७ रन बनाएको थियो ।

यो जितसंगै लखनऊ १३ खेलमा  १५ अंकसहित तेस्रो स्थानमा रहेको छ ।  उता मुम्बई समान खेलमा १४ अंक जोडेर चौथो स्थानमा रहेको छ ।