कोहलीको शतकमा बैंग्लोरको शानदार जित

काठमाडौ- इन्डियन प्रिमियर लिग (आईपीएल) मा पुर्वकप्तान विराट कोहलीले सानदार शतक प्रहार गरेपछि रोयल च्यालेन्जर्स बैंग्लोर विजयी भएको छ।

रातिको भएको खेलमा बैंग्लोर सनराइजर्स हैदरावादविरुद्ध ८ विकेटले विजयी भएको हो।

हैदरावादले जितका लागी दिएको १८७ रनको लक्ष्य बैंग्लोरले १९.२ ओभरमा मात्र २ विकेट गुमाएर पुरा गर्यो।

बैंग्लोरको जितमा कोहलीले १०० रन बनाए।

त्यसअघि राजीव गान्धी स्टेडियममा टस हारेर पहिले ब्याटिङ गरेको हैदरावादले २० ओभरमा ५ विकेट गुमाएर १८६ रन बनाएको थियो ।

उसका लागी हेनरिक क्लासेनले सर्वाधिक  १०४ रन बनाए।

यो जितसँगै बैंग्लोर १३ खेलबाट १४ अंक जोडेर चौथो स्थानमा उक्लिदै प्लेअफमा पुग्ने सम्भावना कायम राखेको छ ।