आइपिएलमा बैंगलोरविरुद्ध चेन्नाई विजयी

काठमाडौ- इण्डियन प्रिमियर लिग (आइपिएल) मा राति सकिएको खेलमा चेन्नई सुपर किंग्सले रोयल च्यालेन्जर्स बैंगलोरलाई पराजित गरेको छ।

एम चिन्नास्वामि मैदानमा भएको खेल चेन्नई सुपर किंग्सले ८ रनले जितेको हो।

जितका लागी चेन्नईले दिएको २२७ रनको लक्ष्य पछाएको बैंगलोरले २० ओभरमा ८ विकेट गुमाउदै २१८ मात्र बनायो। 

बैंगलोरका लागि ग्लेन म्याक्सवेलले  ७६ रन बनाउदा फाफ डु प्लेसिसले ६२ रन,दिनेश कार्तिकले २८ रन  र  सुयाश प्रभु देसाईले १९ रन बनाए।

चेन्नईका लागी तुषार देशपाण्डेले ३ विकेट लिदा मथीशा पथिरानाले २ विकेट लिए । त्यस्तै आकाश सिंह, महीस थिकशाना र मोइन अलीले समान १-१ विकेट लिए ।

यसअघि सुरुवातमा टस हारेर पहिला ब्याटिंग गरेको चेन्नईले २० ओभरमा ६ विकेट गुमाउदै २२६ रन बनाएको थियो ।

उसका लागी लागि डेभोन कोनवेले सर्बाधिक ८३ रन बनाउदा शिभम दुवेले ५२ रन , अजिख्य रहानेले ३७, मोइन अलीले १९ र अम्बाती रायाडूले १४ रन बनाए।

बैंगलोरका लागी मोहमद सिराज, वाने प्रनिल, विजयकुमार वैश्यक, ग्लेन म्याकवेल, वैनान्दु हसरंगा र हर्षल पटेलले समान १-१ विकेट लिए।

यो जितसंगै चेन्नईले ५ खेलमा ६ अंक जोडेको छ । उता बैंगलोरको ५ खेलमा ४ अंक रहेको छ ।