ओमान विरुद्ध कुशल मल्लको कीर्तिमानी शतक

काठमाडौं- एसीसी प्रिमियर कप अन्तर्गत ओमानसँगको खेलमा नेपालका युवा अलराउन्डर कुशल मल्लले शतक प्रहार गरेका छन् । त्रिवि मैदान कीर्तिपुरमा जारी खेलमा कुशलले ५९ बलमा शतक प्रहार गरेका हुन् । 

मल्ल ओडिआईमा नेपालका लागि सबैभन्दा छिटो शतक प्रहार गर्ने खेलाडी बनेका छन् । उनले ६१ बलमा ९ चौका र ९ छक्का प्रहार गर्दै १०२ रन बनाएका हुन्।

कुशलले सन् २०२२ मा पपुवा न्युगिनीविरुद्ध कप्तान रोहितकुमार पौडेलले बनाएको ९१ बलको कीर्तिमान तोडेका हुन् ।