आयरल्यान्डविरुद्ध भारत विजयी

भारतले पहिलो टी-ट्वान्टी आई खेलमा घरेलु टोली आयरल्यान्डलाई हराएको छ । 

आयरल्यान्डले दिएको १ सय ४० रनको लक्ष्य पछ्याएको भारतले ६ दशमलब ५ ओभरमा २ विकेट गुमाउँदै ४७ रन बनाएको अवस्थामा खेल वर्षाको कारण रोकिएको थियो ।

 त्यसपछि निरन्तरको वर्षाको कारण खेल हुन नसकेपछि भारत डकवर्थ लेविस पद्धतिको आधारमा विजयी भयो । 

योसँगै तीन खेलको टी-ट्वान्टी सिरिजमा भारतले १/० को अग्रता लिएको छ ।