नाइजेरियालाई हराउँदै इङल्यान्ड क्वाटरफाइनलमा

काठमाडौँ । इङल्यान्ड फिफा महिला विश्वकप फुटबलको क्वाटरफाइनलमा प्रवेश गरेको छ ।

सोमबार सम्पन्न खेलमा इङल्यान्डले नाइजेरियालाई पेनाल्टी सुटआउटमा ४-२ गोल अन्तरले हराउँदै विश्वकपको क्वाटरफाइनमा आफ्नो स्थान सुरक्षित गरेको हो ।

निर्धारित ९० मिनेट र त्यसपछि ३० मिनेटको अतिरिक्त समयमा खेल गोलरहित बराबरी बनेको थियो । खेलको ८७औँ मिनेटमा इङल्याण्डकी लाउरेन जेम्सले रातो कार्ड पाएपछि  इङल्यान्ड १० खेलाडीमा खेलेको थियो ।

यो जितसँगै अब क्वाटरफाइनलमा इङल्यान्डले कोलोम्बिया र जमैकाबीचको विजेतासँग खेल्ने छ ।