बार्सिलोनाको संघर्षपूर्ण कमब्याक जीत

स्पेनिस ला लिगामा साबिक विजेता बार्सिलोनाले संघर्षपूर्ण कमब्याक जीत निकालेको छ।

राति भएको खेलमा बार्साले भिल्लारियललाई ४-३ गोलअन्तरले पराजित गरेको हो।

बार्साले खेलमा सुरुवाती २-० गोलको अग्रता बनाएको थियो। त्यसपछि भिल्लारियले लगातार ३ गोल गर्दै खेल ३-२ को स्थितिमा ल्याएको थियो। 

अन्तिम समयमा बार्साले शानदार २ गोल गर्दै खेल आफ्नो पक्षमा पारेको हो।

बार्सालाई जिताउन जाभी, फ्रेन्की डियोंग, फेरान टोरेस र लेवान्डोस्कीले समान १-१ गोल गरे।

जितसंगै बार्साको ३ खेलमा ७ अंक रहेको छ।