प्ले अफ नजिक चेन्नई

काठमाडौ- इण्डियन प्रिमियर लिग (आइपिएल)मा चेन्नई सुपर किंग्स मुम्बई इण्डियन्सलाई पराजित गर्दै प्ले अफ नजिक पुगेको छ।

एम ए रंगशालामा भएको खेलमा मुम्बई विरुद्ध चेन्नई ६ विकेटले विजयी भएको हो।

मुम्बईले जितका लागी दिएको १४० रनको लक्ष्य चेन्नईले १७.४ ओभरमा ४ विकेट गुमाएर पुरा गर्यो।

चेन्नईका लागी डेभोन कोनवेले सर्बाधिक ४४ रन बनाउदा रुतुराज गायकवाडले ३० रन बनाए।

मुम्बईका लागी पियुष चावलाले सर्वाधिक २ विकेट लिदा ट्रीस्टन स्टब्स र आकाश माधवलले समान १-१ विकेट लिए ।

सुरुवाती टस हारेर पहिला ब्याटिंग गरेको मुम्बईले २० ओभरमा ८ विकेट गुमाउदै १३९ रन बनाएको थियो ।

मुम्बईका लागि नेहाल वढेराले सर्बाधिक ६४ रन बनाउदा सूर्यकुमार यादवले २६ रन बनाएका थिए।

चेन्नईका लागी मथीशा पथिरानाले सर्बाधिक ३ विकेट लिदा दीपक चहर र तुषार देशपाण्डेले समान २-२ विकेट र रविन्द्र जडेजाले १ विकेट लिएका थिए ।

यो जितसंगै चेन्नई ११ खेलमा १३ अंक जोड्दै तालिकाको दोस्रो स्थानमा उक्लिदै प्ले अफ नजिक पुगेको छ। उता मुम्बईको १० खेलमा १० अंक रहेको छ ।