एट्लेटिको मड्रिडको शानदार जीत

काठमाडौँ– स्पेनिस ला लिगा फुटबलमा एट्लेटिको मड्रिडले फराकिलो जित दर्ता गरेको छ।

मड्रिडले राति भएको खेलमा रायो भालेकानोलाई ७-० ले हराएको हो। 

भालेकानोको घरेलु मैदानमा स्टेडियो डि भालेकासमा एट्लेटिकोका एल्भारो मोरटाले दुई गोल गरेका थिए।

एन्टोइन ग्रिजमन, मेम्फिस डिपाए, नाहुयल मालिना, एन्जल कोरेया र मार्कोस लोरेन्टले समान १–१ गोल गरे।

जितसँगै एट्लेटिको तीन खेलबाट सात अंकसहित दोस्रो स्थानमा उक्लिएको छ। पहिलो स्थानको रियल मड्रिडको नौ अंक छ।