रोनाल्डोको कप्तानीमा रहेको अल नासर च्याम्पियन्स लिगमा छनोट

काठमाडौँ । हारको संघारमा पुगेको स्थितिबाट खेलको अन्तिम ९ मिनेटमा ३ गोल गर्दै रोनाल्डोको कप्तानीमा रहेको साउदी क्लब अल नासर एसियाली च्याम्पियन्स लिगमा छनोट भएको छ।

राति भएको प्लेअफमा अल नासरले शबाब अल अहलीलाई ४-२ गोलअन्तरले पराजित गर्दै लिगमा छनौट भएको हो।

अल नासरको जितमा एन्डरसन टालिस्काले दुई गोल गरे भने सुल्तान अल–घानाम र मार्सेलो ब्रोजोभिचले एक–एक गोल थपे ।

पराजित शबाब अल अहलीका लागि याह्या अल घासानीले दुई गोल गरेपनि टोलीलाई जित्सम्म पुर्याउन सकेनन्।

यो सँगै एएफसी च्याम्पियन्स लिगको समीकरण पुरा भएको छ।

एएफसी च्याम्पियन्स लिगमा एसियाका पूर्वी र पश्चिमी क्षेत्र गरी कुल ४० क्लबले खेल्दै छन्।