अल नासरको लगातार दोस्रो जित

काठमाडौँ । कप्तान क्रिस्टियानो रोनाल्डोले २ गोल गरेको खेलमा साउदी प्रो लिग अन्तर्गत अल नासरले लगातार दोस्रो जित निकालेको छ। 

मंगलबार राति भएको खेलमा अल नासरले अल शबाबलाई ४-० गोल अन्तरले पराजित गरेको हो। 

अल नासरको जितमा क्रिस्टियानो रोनाल्डोले २ गोल गरे भने साडियो माने र सुल्तान अल घन्नमले एक गोल गरेका थिए। यस खेलमा रोनाल्डोले मानेको गोल असिस्ट पनि गरेका थिए।

यो जितसँगै ४ खेलमा अल नासरको ६ अंक भएको छ र लिगमा छैटौं स्थानमा उक्लिएको छ ।

यता पराजित अल शबाबको भने यो दोस्रो हार हो। यो खेलपछि अल शबाबको ४ खेलमा २ अंक रहेको छ।