एसीसी प्रिमियर कपमा आज दुई खेल हुँदै

काठमाडौँ- राजधानीमा जारी यस एसीसी प्रिमियर कप क्रिकेट अन्तर्गत आज दुई खेल हुदै छ । आज मुलपानी क्रिकेट मैदानमा समुह ए मा रहेका मलेसिया र ओमानबीच खेल हुँदै छ । 

मलेसियाले अहिलेसम्म खेलेका २ खेलमा एक जित हासिल गरेको छ भने एक हार बेहोरेको छ ।  त्यस्तै ओमानले पनि एक जित हासिल गरेको छ भने एक हार बेहोरेको छ । 

त्यस्तै आज अर्को खेल टियु क्रिकेट मैदानमा समुह बि मा रहेका सिंगापुर र युएईबीच हुदै छ । जारी प्रतियोगितामा सिंगापुरले यसअघिका दुवै खेल हारेको छ भने युएईले खेलेका दुई खेलमा एक जित र एक हार बेहोरेको छ । 

दुवै खेल विहान ९ बजेदेखि शुरु हुदै छ ।