Kiran Kumar Limbu

Anjan Bista

Thierry Biyik

Ernest Tampi

Pasang Lama

Saroj Tamang

Arik Bista

Mohamodou Moussi

Pema Tamang

Sudip Shrestha

Sumit Shrestha

Ujwal Rai

Taranath Rajbanshi

Bishal Basnet

Prasant Laksam

Pradip Lama

Samiraj Thoker

Dhiraj Thajali

Suraj Bista

Chirring Lama

Samandar Ochilov

काठमाडौँ । आइसिसी यू–१९ महिला विश्‍वकप अघिको दोस्रो अभ्यास खेलमा नेपाल अमेरिकासँग पराजित भएको छ। मलेसियाको क्‍वालालाम्पुरस्थित रोयल सेलङ्गर मैदानमा बुधबार भएको खेलमा नेपाल अमेरिकासँग पाँच विकेटले पराजित भएको हो।&nbsp; नेपालले दिएको ५९ रनको लक्ष्य अमेरिकाले १४ ओभरमा ५ विकेटको क्षतिमा पूरा गर्‍यो। अमेरिकाका लागि इसानी भागेलाले २४ रन बनाइन्। नेपालकी रिया शर्माले तीन तथा कप्तान पुजा महतोले एक विकेट लिइन्। त्यसअघि टस हारेर पहिले ब्याटिङ गरेको नेपालले २० ओभरमा ९ विकेट गुमाएर ५८ रन बनाएको थियो। नेपालका लागि ओपनर सना प्रवीणले सर्वाधिक १२ रन बनाउँदा कप्तान पुजा महतोले १० रन बनाइन्। यसअघि नेपाल पहिलो अभ्यास खेलमा सोमबार वेष्ट इन्डिजसँग ९ रनले पराजित भएको थियो। जनवरी १८ देखि फेब्रुअरी २ सम्म मलेसियामा हुने यू१९ महिला टी२० विश्वकपमा समूह डी मा रहेको नेपालले जनवरी १८ मा बंगलादेशसँग पहिलो खेल खेल्नेछ। यस्तै जनवरी २० मा स्कटल्याण्ड र जनवरी २३ मा अस्ट्रेलियासँग खेल्नेछ।

अमेरिकासँग नेपाल ५ विकेटले पराजित

काठमाडौं । इङ्लिस प्रिमियर लिगमा लिग लिडर लिभरपुलले अंक बाँडेको छ। मंगलबार भएको खेलमा नटिङघम फरेस्टसँग लिभरपुल १–१ को बराबरी खेल्दै अंक बाँडेका हुन्। सिटी ग्राउन्डमा घरेलु टोली नटिङघमले अग्रता जोगाउन सकेन। खेलको आठौं मिनेटमा क्रिस उडको गोलमार्फत नटिङघमले अग्रता लिएको थियो। डिएगो जोटाले ६६औं मिनेटमा लिभरपुलका लागि बराबरी गोल फर्काए। त्यसपछि थाप गोल निस्कन नसक्दा दुवै टोली अंक बाँड्न बाध्य बने। लिगअन्तर्गत मंगलबारै सम्पन्न खेलमा चेल्सीले बर्नमाउथ तथा म्यानचेस्टर सिटीले ब्रेन्टफार्डसँग समान २–२ को बराबरी खेल्दा वेस्टहम युनाइटेडले फुलहमविरुद्ध ३–२ को रोमाञ्चक जित निकाल्यो।&nbsp; जितसँगै लिभरपुले २० खेलमा ४७ अंक जोडेको छ। नटिङघम २१ खेलबाट ४१ अंकका साथ दोस्रो स्थानमा उक्लिएको छ।

लिभरपुल र नटिङघमले अंक बाँडे

काठमाडौं । नेपाल कबड्डी लिग (एनकेएल) दशरथ रंगशालास्थित कभर्डहलमा शुक्रबार सुरु हुँदैछ । क्रिकेट, फुटबल र भलिबलपछाडि फ्रेन्चाइज टिमको अवधारणमा ल्याइएको एनकेएललाई लिएर यसका आयोजक एस्ट्रोनिक्स म्यानेजमेन्टका चेयमरेन अमितकुमार बेगानी निक्कै उत्साहित छन् । कबड्डी, स्क्वास, ब्याडमिन्टन, टेबलटेनिसलगायत थुप्रै खेल खेलेको अनुभव सुनाउँदै बेगानीले भने, ‘सबै खेलको मिश्रण कबड्डीमा पाइन्छ, जुन छोटो–मीठो छ । हामीले नेपाली कबड्डीको स्तरबृद्धि नगरे आकर्षण बढ्दैन । विश्वस्तरमै पुर्याउनसक्नुपर्छ । त्यसैले एनकेएललाई स्तरीय बनाउन कुनैपनि सम्झौता नगरी लगानी गरेका छौं । यसले नेपाली कबड्डीलाई व्यावसायिक बनाउनेछ ।’ क्रिकेट, फुटबल र भलिबलमा राम्रो भएजस्तै कबड्डीमा पनि एनकेएलले राम्रो पहिचान बनाउने बेगानीको विश्वास छ । कबड्डीको विकाससँगै देशको पहिचान र खेलाडीको भविष्यका लागि पनि एनकेएल आयोजनामा अगाडि बढेको उनी बताउँछन् । विराटनगरबाट उदाएको व्यावसायिक समूह ‘बेगानी ग्रुप’को नेतृत्व गरिरहेका उनले एनकेएलको पहिलो संस्करणमा तीन करोड रुपिया बढी लगानी हुने उल्लेख गर्दै लगानी फिर्ताभन्दा पनि खेलको विकासलाई जोड दिइएको बताए ।देशको तराई र पश्चिमी क्षेत्रमा लोकप्रिय रहेको खेल कबड्डीमा अनुसन्धान गरेपछि एनकेएलको तयारीमा जुटेको उल्लेख गर्दै उनले भने, ‘अनुसन्धान गर्दा नेपालमा २० हजार बढी खेलाडी पाइयो । कबड्डी काठमाडौंमा पनि खेल्छ, दक्षिण एसियामा भूगोल सुहाउँदो पनि छ । भारतमा क्रिकेटपछि सर्बाधिक हेरिने खेल कबड्डी नै हो । त्यसैले हाम्रा खेलाडीलाई त्यो स्तरमा पुर्याउने अवसर छ, जसले नेपाली टिमलाई मनैदेखि बलियो पार्नसक्छ ।’ एनकेएल माघ ४ देखि १८ गतेसम्म सञ्चालन हुनेछ, जसमा ६ सहरका ६ टिले प्रतिस्पर्धा गर्दैछन् । सबै टिम बिक्री गरिएको पनि उनले बताए । प्रत्येक टिमको फ्रेन्चाइज शुल्क ३५ लाख भएको जानकारी दिएको छ । त्यस्तै, आयोजनामा तीन करोड रुपियाभन्दा बढी खर्च हुने एस्ट्रोनिक्स म्यानेजमेन्टका चेयमरेन बेगानीले बताए । गत वर्ष नै एस्ट्रोनिक्स म्यानेजमेन्टले अखिल नेपाल कबड्डी संघसँग १० वर्षे सम्झौता गर्दै एनकेएल आयोजनाको अधिकार लिएको थियो । भारतका प्रो कबड्डीबाट प्राविधिक जनशक्ति ल्याएर एनकेएलमा नेपालीलाई तयार पारिएको छ । प्रो कबड्डी लिगबाट प्राविधिक निर्देशक, मेन्टर र ६ जना प्रशिक्षकले ट्रेनिङ दिइरहेका छन् । नेपाली राष्ट्रिय पुरुष टिमका कप्तान घनश्याम रोका मगरसहित एनकेएलका केही खेलाडी प्रो कबड्डी लिगका अनुभवी छन् । उनले यो सिजनको प्रो कबड्डी लिग हरियणा स्टिलर्सबाट खेल्दै दुई साताअघि उपाधि जितेका थिए । एनकेएलमा स्वदेशी ६६ र बिदेशी १८ खेलाडी छन् । थाइल्यान्ड र बंगलादेशका ६–६, श्रीलंकाका र केन्याका ३–३ जना छन् । हरेक टिममा स्वदेशी–बिदेशी गरी १४ खेलाडी छन् । एनकेएलको पहिलो सिजनमा विराटनगर ब्यान्डिट्स, जनकपुर नाइट्स, काठमाडौं माभरिक्स, पोखरा लेकर्स, हिमालयन रेइडर्स (बुटवल) र धनगढी वाइल्डक्याट्स सहभागि छन् । राउन्ड रोबिन लिगको शीर्ष चारमा रहने टिम नकआउट चरणमा प्रवेश गर्नेछन्, जहाँ इलिमिनेटर र क्वालिफायर खेल्दै फाइनल खेल्ने दुई टिमको टुंगो लाग्नेछ । यसपाली एनकेलमा कुल १९ खेल हुनेछ । उद्घाटन खेलमा काठमाडौं माभरिक्स र पोखरा लेकर्स भिड्नेछन् ।

एनकेएलले कबड्डीलाई व्यावसायिक बनाउने विश्वास

काठमाडौं । एन्फा यु–१६ युथ लिगमा चर्च ब्वाइज युनाइटेड र सातदोबाटो युथ क्लबले जित हात पारेका छन्। सातदोबाटोस्थित अखिल नेपाल फुटबल संघ (एन्फा) मुख्याय मैदानमा मंगलबार भएको खेलमा सातदोबाटोले हिमालयन शेर्पा क्लबमाथि १–० को कठिन जित दर्ता गरेको हो। सातदोबाटोको जितमा आयुश खड्काले गरेको एक मात्रै गोल निर्णायक बन्यो। उनले ६६औं मिनेटमा गोल गरेका थिए। जितसँगै सातदोबाटोले चार खेलमा ६ अंक जोडेको छ। पराजित हिमालयन शेर्पाको चार खेलबाट एक अंक छ। यसतै, त्यसअघि भएको खेलमा करण चौधरीको उत्कृष्ट प्रदर्शनप्रेरित चर्च ब्वाइज युनाइटेडले विभागीय टोली त्रिभुवन आर्मी क्लबलाई ११–१ गोल अन्तरले पराजित गरेको छ। चर्च ब्वाइजको जितमा करणले ह्याट्रिक गर्दा, आशिक स्याङतान, आयुष राई र सनिल मगरे समान दुई तथा निशान तामाङ र सुशान्त थापामगरले समान एक गोल गरे। यता, आर्मीका लागि अभिषेक खत्रीले सान्त्वना गोल फर्काए।&nbsp; खेलको पाँचौं मिनेटमा आशिकको गोलमार्फत चर्च ब्वाइजले अग्रता लिएको थियो।&nbsp; जितसँगै चर्च ब्वाइजले चार खेलबाट ९ अंक जोडेको छ। आर्मीको भने जितविहीन छ।

यु–१६ लिग : चर्च ब्वाइज र सातदोबाटो विजयी

काठमाडौं । प्रधानमन्त्री कप महिला राष्ट्रिय टी–२० क्रिकेट प्रतियोगितामा विभागीय टोली एपिएफ क्लब र सुदूरपश्चिम प्रदेशले विजयी सुरुआत गरेका छन्। धनगढीस्थित फाप्ला क्रिकेट मैदानमा मंगलबार भएको दिनको दोस्रो खेलमा एपिएफले कर्णाली प्रदेशलाई १११ रनले पराजित गरेको हो। एएिफले दिएको १८३ रनको लक्ष्य पछ्याएको कर्णालीले २० ओभर सात विकेट गुमाउँदै ७१ रन मात्रै बनाउन सक्यो। कर्णालीका लागि दिक्षा पुरीले १७ तथा गौरी बोहरा र रामा बुढाथोकीले समान १० रन बनाए। एपिएफका लागि करुणा भण्डारीले तीन तथा रेखा रावल, सुमन विष्ट र विनु बुढाले समान एक विकेट लिए। त्यसअघि टस जितेर ब्याटिङ रोजेको एपिएफले निर्धारित २० ओभरमा एक विकेट गुमाउँदै १८२ रनको योगफल तयार पारेको थियो। एपिएफका लागि ममता चौधरीले ६६ बलमा १० चौकाको मद्नतले खविजित ७८ रनको योगदान गरिन्।यसैगरी कप्तान इन्दु बर्माले ३४ बलमा सात चौकाको मद्दतले अविजित ५२ र राजमति ऐरीले २२ रन बनाए। यस्तै पहिलो तथा उद्घाटन खेलमा सुदूरपश्चिमले गण्डकी प्रदेशलाई सात विकेटले पराजित गर्दै विजयी सुरुआत गरेको थियो। गण्डकीले दिएको ५६ रनको लक्ष्य सुदूरपश्चिमले ९।५ ओभरमा तीन विकेट गुमाउँदै पूरा गर्यो। सुदूरपश्चिमको जितमा रेवती धामीले अविजित २१ रन बनाइन्। यता, गण्डकीका लागि आकृति तिवारी र अपेक्षा बुढाथोकीले सामन एक विकेट लिए। त्यसअघि टस हारेर ब्याटिङको निम्तो पाएको गण्डकीले निर्धारित १५ ओभरमा सात विकेट गुमाउँदै ५५ रनको योगफल तयार पारेको थियो। बाक्लो हुस्सुका कारण टस ढिला भएपछि खेललाई १५ ओभरमा झारिएको थियो। गण्डकीका लागि रेखा तामाङले १३ र कप्तान सिर्जना पौडेलले १० रन बनाउनुबाहेक अन्य ब्याटरले दोहोरो अंकमा रन जोड्न सकेनन्। सुदूरपश्चिमका लागि रेवती धामीले चार, ऋतु कनौजिया र जानकी थापाले समान एक विकेट लिए।

प्रधानमन्त्री कप क्रिकेट : सुदूरपश्चिम र एपिएफको विजयी सुरुआत

काठमाडौँ । विभागीय टोली नेपाल पुलिस क्लबले एन्फा महिला लिगको दोस्रो चरण अन्तर्गत वालिङ नगपालिकामाथि सहज जित हासिल गरेको छ।&nbsp; सातदोबाटोस्थित अखिल नेपाल फुटबल संघ (एन्फा) मुख्यालय मैदानमा मंगलबार भएको खेलमा पुलिसले वालिङलाई ४–१ गोलले पराजित गरेको हो।&nbsp; पुलिसको जितमा कप्तान निरु थापा, अनुश्का शेर्पा र पुजा रानाले समान एक एक गोल गरिन्। यस्तै अर्को गोल पुलिसले उपहार पाएको थियो। वालिङकी धना बोहराले आत्माघाती गोल गरिन्।&nbsp; खेलको १५औँ किनेटमा कप्तान निरुको गोलबाट सुरुआती अग्रता बनाएको पुलिसका लागि अनुशकाले २८, पुजाले ३२औँ मिनेटमा गोल गर्दै ३–० को अग्रता दिलाइन्।&nbsp; ४३औँ मिनेटमा वालिङकी धन बोहराले आफ्नै पोस्टमा गोल गरेपछि पहिलो हाफमै पुलिस ४–० ले अघि बढ्यो। तर, ८५औँ मिनेटमा वालिङकी &nbsp;यशोदाकुमारी चिरालले गोल गरेपछि खेल ४–१ को स्थितमा अघि बढ्याे, त्यसपछि बाँकी समय थप गोल नहुँदा पुलिस विजयी भयो।&nbsp; जितसँगै पुलिसले पाँच खेलबाट १० अंक पुर्‍याएको छ। त्रिभुवन आर्मी क्लबको पनि समान अंक छ। एक खेल कम खेलेको एपिएफको १२ अंक छ। वालिङ भने अंकविहीन छ।

वालिङमाथि पुलिसको सहज जित

काठमाडौँ । एन्फा राष्ट्रिय महिला लिग अन्तर्गत दोस्रो चरणको खेलमा विभागीय टोली त्रिभुवन आर्मी क्लबले सहज जित हासिल गरेको छ।&nbsp; अखिल नेपाल फुटबल संघ ९एन्फा० मुख्यालय मैदानमामा सोमबार भएको खेलमा आर्मीले बागमती युथ क्लबलाई ३–० गोलले पराजित गरेको हो। आर्मीको जितमा सपना लामा, पुनम मगर र चन्द्रा भण्डारीले समान एक एक गोल गरिन्।&nbsp; पहिलो हाफमा दुई गोल गरेको आर्मीले दोस्रो हाफमा थप एक गोल गर्न सफल भयो।&nbsp; खेलको छैटौँ मिनेटमै सपनाको गोलबाट सुरुआती अग्रता बनााएको आर्मीले २२औँ मिनेटमा पुनमको गोलमा २–० को अग्रता बनाएको थियो। ३४औँ मिनेटमा बिमला चौधरी पेनाल्टीमा चुक्दा आर्मी पहिलो हाफमै ३–० को अग्रता बनाउने अवसर गुमायो।&nbsp; त्यसपछि खेलको इन्जुरी समयको पहिलो मिनेटमा चन्द्राले गोल गर्दै आर्मीलाई ३–० को जित दिलाइन्।&nbsp; जितसँगै पाँच खेलबाट १० अंक जोडेको आर्मी दोस्रो स्थानमा छ। भने समान खेलबाट एक जितसहित तीन अंक रहेको बागमती पूछारबाट दोस्रो स्थानमा छ।

बागमतीमाथि आर्मीको सहज जित

काठमाडौं । त्रिपुरेश्वरस्थित दशरथ रंगशालामा हुने फोर नेसन्स कपको खेल तालिका सार्वजनिक भएको छ। अखिल नेपाल फुटबल संघ (एन्फा) ले सोमबार सार्वजनिक गरेको तालिका अनुसार नेपालले आफ्नो पहिलो खेलमा किर्गिस्तानसँगै खेल्दै प्रतियोगिताको सुरुआत गर्नेछ। फागुन ५ गते साँझ ५ः३० मा सुरु हुनेछ। यसैगरी नेपालले फागुन ८ गते लेबना र ११ गते म्यानमारको सामना गर्नेछ। प्रतियोगिता फागुन ५ देखि १४ गतेसम्म हुनेछ। फ्रेबुअरीको फिफा अन्तर्राष्ट्रिय खेल विन्डोमा खेलाउन लागिएको एन्फाले जनाएको छ। नेपालसहित किर्गिस्तान, लेबनान र म्यानमार सहभागी हुनेछन्। लिग चरणमा शीर्ष दुई टोली उपाधिका लागि भिड्नेछन्।<img src="https://cdn.nepalsportz.com/media/django-summernote/2025-01-13/b4c18009-7dce-4ce8-b7f6-27c3c0693ca2.jpeg" style="width: 698px;">

फोर नेसन्स कपको खेल तालिका सार्वजनिक, नेपालको पहिलो खेल किर्गिस्तानसँग

काठमाडौं । स्पेनिस सुपर कपको उपाधि बार्सिलोनाले जितेको छ। योसँगै बार्सिलोनाले कीर्तिमानी १४ पटक उपाधि जितेको छ। रियल १३ पटकको च्याम्पियन हो। साउदी अरबको जेद्दाहमा आइतबार भएको फाइनल खेलमा बार्सिलोनाले रियल मड्रिडलाई ५–२ ले पराजित गरेको हो। दुई महिना यसअघि घरेलु लिगमा रियल बार्सिलोनासँग ४–० ले पराजित भएको थियो। बार्सिलोनाको जितमा राफिन्हाको दुई तथा लामिन यमल, रोबर्ट लेवान्डोव्स्की र एलेजान्ड्रो बाल्डेको एक/एक गोल गरे। खेलको पाँचौं मिनेटमै एम्बाप्पेले उत्कृष्ट गोल गर्दै रियललाई सुरुआती अग्रता दिलाए। तर यमलले २२औं मिनेटमा बार्सिलोनालाई १-१ को अबस्थामा ल्याए। ३६औं मिनेटमा लेवान्डोव्स्की आफैंले गोल गर्दै टोलीलाई २–१ को अग्रता दिलाए।राफिन्हाले ३९औं र ४८औं मिनेटमा दुई गोल थप्दा पहिलो हाफमै बार्सिलोनाले अग्रता ४–१ मा पुर्‍याइसकेको थियो।

रियलाई हराउँदै बार्सिलोना च्याम्पियन

काठमाडौं । दुई दिवसीय जय ट्रफी मेन्स एलिट कपको उपाधिका लागि दुई विभागीय क्लब नेपाल पुलिस र त्रिभुवन आर्मी भिड्ने भएका छन्।&nbsp; पुलिसले लिग चरणको अन्तिम खेलमा बागमती प्रदेशमाथि पाँच विकेटको जित दर्ता गर्दै उपाधि निजक पुगेको हो। यस्तै मधेस प्रदेशलाई लिग चरणको अन्तिम खेलमा आठ विकेटले हराउँदै आर्मी फाइनलमा प्रवेश गरेको हो। जनकपुरस्थित रामजानकी मैदानमा आइतबार बागमती प्रदेशले दिएको ११६ रनको लक्ष्य पुलिसले पाँच विकेट गुमाउँदै पूरा गर्यो। पुलिसका लागि अमीत श्रेष्ठले ४५ बलमा ९ चौकाको मद्दतले सर्वाधिक ५६ रनको योगदान गरे। यसैगरी कप्तान कुशल भुर्तेलले ३२ र अर्जुन साउदले अविजित २० रन बनाए। यता, बागमतीका लागि कप्तान सन्दीप लामिछानेले दुई तथा नन्दन यादव, प्रतिश जिसी र सूर्य तामाङले समान एक विकेट लिए। बागमतीले दोस्रो इनिङमा २१८ रन बनाएपछि पुलिसले ११६ रनको लक्ष्य प्राप्त गरेको थियो। प्रतियोगितामा पुलिसको यो लगातार दोस्रो जित हो। यसअघि आर्मीसँग बराबरी खेलेको पुलिसले मधेश प्रदेशलाई हराएको थियो। यता बागमतीको यो पहिलो हार हो। यसअघि बागमतीले मधेश र आर्मीसँग बराबरी खेलेको थियो। अर्को खेलमा वीरगन्जस्थित नारायणी क्रिकेट मैदानमा आर्मीले मधेश प्रदेशमाथि आठ विकेटको सहज जित दर्ता गरेको हो। मधेशले प्रस्तुत गरेको २८ रनको लक्ष्य आर्मीले दुई विकेट गुमाउँदै पूरा गर्यो। आर्मीका लागि तृतराज दासले ११, इम्रान शेखले अविजित आठ र बसिर अहमदले अविजित चार रन बनाए। मधेशका लागि दुवै विकेट प्रदीप पासवानले लिए। फलो अनमा परेको मधेशले दोस्रो इनिङमा १५० रन मात्रै बनाएपछि आर्मीले २८ रनको सामान्य लक्ष्य प्राप्त गरेको थियो। आइतबार दोस्रो दिनको सुरुआत गरेको मधेशले १४८ रन थप्दा सबै विकेट गुमायो। मधेशका लागि मायन यादवले ४९, कप्तान हरिशंकर साहले २५, अभिषेक तिवारीले १९, निरज यादवले १७ र हिमान्शु दत्तले ११ रन बनाए। आर्मीका लागि बसिर अहमदले चार, शाहब आलमले तीन र आकाश चन्दले दुई विकेट लिए। त्यसअघि टस हारेर ब्याटिङको निम्तो पाएको आर्मीले पहिलो इनिङमा २२५ रन बनाएको थियो। १०२ रनमै समेटिएपछिमधेश फलो अनमा परेको थियो। यो जितसँगै आर्मीले ५५ अंक जोडेको तालिकामा शीर्ष स्थानमा छ। आर्मीले तेस्रो खेलबाट मात्र ३५ अंक हासिल गर्यो। यता पराजित मधेशले तीन खेलबाट ३१ अंक बनायो। उसले अन्तिम खेलबाट १० अंक मात्र बटुल्न सक्यो। अब मंगलबार फाइनल तीन दिवसीय हुनेछ।&nbsp;

जय ट्रफी : उपाधिका लागि पुलिस र आर्मी भिड्ने

काठमाडौं । स्पेनिस सुपर कपको फाइनलमा आज दुई चिर प्रतिद्वन्द्वी बार्सिलोना र रियाल मड्रिड भिड्दै छन्। साउदी अरवको किङ्ग अब्दुल्लाह स्पोर्ट सिटीमा हुने यी दुई टोलीबीचको खेल नेपाली समयअनुसार आइतबार राति १२ ४५ बजेबाट सुरु हुने छ।&nbsp; यसअघि सिजनको पहिलो एल क्लासिकोमा ४–० ले हार बेहोरेको रियल दुई महिनापछि सो हारको बदला लिने योजनामा हुनेछ। यता, बर्सिलोना भने सोही नतिजा दोहोर्‍याउँदै सिजनको पहिलो उपाधि जित्ने योजनामा हुनेछ। रियलका प्रशिक्षक कार्लो एन्सेलोटीले फाइनलमा दबाब हुने भएपनि टिमको फर्म हेर्दा रियाल नै विजेता बन्ने दाबी गरेका छन्। बार्सिलोनाको हाइ लाइन दबाबलाई कसरी तोड्ने भनेर रियालले पूर्ण तयारी गरेको एन्सेलोटीको भनाइ थियो। हान्सी फलिकको नेतृत्वमा सिजनको सुरुवातमा सानदार प्रदर्शन गरेको बर्सिलोनाले पछिल्लो समय लय गुमाएको छ। लास पाल्मास र लेगानेस जस्ता कमजोर टोलीसँगको हारले उसलाई ला लिगाको शीर्ष स्थानबाट तल झारेको थियो। तर बर्सिलोना स्पेनिस सुपर कपको सर्वाधिक सफल टोली हो । उसले कीर्तिमानी १४ पटक यो उपाधि जितेको छ। रियाल १३ पटकको च्याम्पियन हो। आज राति रियाललाई कीर्तिमान बराबरी गर्ने अवसर हुँदा बार्सालाई कीर्तिमान विस्तार गर्ने मौका हुनेछ।

स्पेनिस सुपर कप : उपाधिका लागि बार्सिलोना र रियाल भिड्दै

काठमाडौं । जेम्स म्याकएटीको सानदार प्रदर्शनप्रेरित म्यानचेस्टर सिटीले एफए कपमा सानदार हासिल गरेको छ। घरेलु मैदान इतिहाद रंगशालामा शनिबार राति भएको खेलमा सिटीले चौथो डिभिजनको साल्फोर्ड एफसीलाई ८–० ले पराजित गरेको हो।&nbsp;खेलको आठौं मिनेटमा डोकुको गोलमार्फत सिटीले अग्रता लिएको थियो। २०औं मिनेटमा मोबासले टोलीको अग्रता दोब्बर बनाए। ओ राइलीले ४३औं मिनेटमा टोलीका लागि तेस्रो गोल गरे। ४९औं मिनेटमा ग्रेलिसले पेनाल्टीमार्फत गोल गरेपछि सिटी ४–० को अबस्थामा पुग्यो। म्याकएटीले ६२औं मिनेटमा गोल गर्दा सिटी ५–० ले अगाडि बढ्यो। सात मिनेटपछि नै डोकुले पेनाल्टीमार्फत व्यक्तिगत दोस्रो गोल गरे। म्यनकएटीले ७२ र ८१औं मिनेटमा गोल गर्दै आफ्ना ह्याट्रिक पूरा गरे। जितसँगै सिटीले चौथो चरणमा स्थान सुरक्षित गरेको छ। शनिबारै सम्पन्न खेलमा जित निकाल्दै कोभन्ट्री, लिड्स युनाइटेड, स्टोक सिटी, एक्सटर सिटी र बर्नेलीले पनि चौथो चरणको यात्रा तय गरे।

जेम्स म्याकएटीको ह्याट्रिकमा सिटी विजयी

काठमाडौं । नेपाल क्रिकेट संघ (क्यान) ले महिला त्रिकोणात्मक टी२० अन्तर्राष्ट्रिय सिरिजको आयोजना गर्ने भएको छ। क्यानले शनिवार एक विज्ञप्ती जारी नेपाल, नेदरल्यान्ड्स र थाइल्यान्डको सहभागिता हुने जनाएको छ। उक्त सिरिज माघ १७ देखि २५ सम्म &nbsp;कीर्तिपुरमा रहेको टियु क्रिकेट मैदानमा हुनेछ। सिरिजमा सहभािग हरेक टिमले हरेक टिमसँग तीन तीन खेल्ने छन्। जसमा शीर्ष स्थानमा रहेने टोली सिरिजकाे बिजेता हुनेछ। नेपालले माघ १७ गते हुने उद्घाटन खेलमा नेदल्यान्डसँग खेल्दै सिरिजको सुरुआत गर्नेछ।<img src="https://cdn.nepalsportz.com/media/django-summernote/2025-01-12/7dc2a6b8-b489-466a-9c86-8794c914d4e2.jpeg" style="width: 698px;">

नेपालमा महिला त्रिकोणात्मक टी२० सिरिजको तयारी, नेदरल्यान्ड्स र थाइल्यान्डको सहभागिता

काठमाडौं । एन्फा राष्ट्रिय महिला लिगको दोस्रो चरणमा एपिएफ क्लबले विभागीय डर्बीमा अर्को जित हासिल गरेको छ। अखिल नेपाल फुटबल संघ (एन्फा) मुख्यालय मैदानमामा शनिबार भएको खेलमा एपिएफले आर्मीलाई ३–१ गोलले पराजित गरेको हो। एपिएफको जितमा कप्तान अनिता बस्नेतले एक गोल, दुई असिस्ट गरिन् भने निशा थोकर र प्रीति राईको नाममा एक एक गोल रह्यो।&nbsp; खेलको ६०औं मिनेटमा निशा थोकरले हेडमार्फत गोल गर्दै एपिएफलाई सुरुआती अग्रता दिलाइन्। तर, ६९औं मिनेटमा आर्मीका लागि रक्षक विमला थापाले सुन्दर गोल गर्दै खेल १–१ को बराबरी अबस्थामा ल्याइन्। त्यसपछि ८५औं मिनेटमा अनिता र ९०औं मिनेटमा प्रीति राईले गोल गर्दै एपिएफको फराकिलो जित पक्का गरिन्। जितसँगै एपिएफ चार खेलमा स्पष्ट १२ अंक जोड्दै तालिकाको शीर्ष स्थानमा छ। यता पहिलो हार ब्यहोरेको आर्मी समान खेलबाट सात अंक जोड्दै दोस्रो स्थानमा छ।

एपिएफको विजयी यात्रा जारी

काठमाडौं । नेपाल कबड्डी लिग (एनकेएल) को खेल तालिका शुक्रबार सार्वजनिक गरिएको छ। माघ ४ गते हुने उद्घाटन खेलमा काठमान्डु माभरिक्स र पोखरा लेकर्स भिड्ने भएका छन्। एस्ट्रोनिक्स म्यानेजमेन्टद्वारा आयोजित एनकेएलको पहिलो सिजन फ्रेन्चाइज टिमको अवधारणमा ६ सहरका ६ टिमले प्रतिस्पर्धा गर्दैछन्। विराटनगरले पहिलो खेलमा धनगढी वाइल्डक्याट्सको सामना गर्नेछ। जनकपुर नाइट्सले बुटवलको हिमालयन रेइडर्सविरुद्ध प्रतिस्पर्धा गर्दै एनकेएलमा डेब्यु गर्नेछ। राउन्ड रोबिन लिगमा १५ खेल हुनेछ, जसको शीर्ष चार टिम नकआउट चरणमा प्रवेश गर्नेछन्। लिगका शीर्ष दुई टिमले माघ १४ गते क्वालिफाइर १ खेल्नेछ, जसको विजेता सीधै फाइनलमा पुग्नेछ। लिगमा तेस्रो र चौथो स्थानमा रहेका टिमले माघ १४ गते नै इलिमिनेटरमा खेल्नेछ, जसको विजेता क्वालिफाइर २ मा पुग्नेछ। क्वालिफाइर १ मा पराजित भएका टिम र इलिमिनेटरका विजेतावीच माघ १६ गते हुने क्वलिफाइर २ मा जित हासिल गर्ने टिमले फाइनलमा स्थान पाउनेछ। फाइनल माघ १८ गते हुनेछ। राष्ट्रिय खेलकुद परिषदको त्रिपुरेश्वरस्थित कभर्डहलमा माघ १८ गतेसम्म सञ्चालन हुने एनकेएलमा दैनिक एक वा दुई खेल सञ्चालन गरिनेछ। दुई खेल हुँदा दिनको पहिलो खेल साँझ ५ः३० बजे सुरु हुनेछ भने त्यसपछि दोस्रो खेल ६ः३० बजे प्रारम्भ हुनेछ। एक खेलमात्रै भएको दिन प्रतिस्पर्धा प्रारम्भ हुने समय साँझ ६ः३० बजे तोकिएको छ।<img src="https://cdn.nepalsportz.com/media/django-summernote/2025-01-11/18485b4b-7002-421c-b244-52f660602467.jpeg" style="width: 698px;">

एनकेएलको खेल तालिका सार्वजनिक: उद्घाटन खेलमा काठमान्डु र पोखरा भिड्ने

काठमाडौं । बायर लेभरकुजेनले २०२५ को पहिलो बुन्डेसलिगा खेलमा उत्कृष्ट सुरुआत गरेको छ शुक्रबार भएको खेलमा लेभरकुजेनले बोरुसिया डर्टमन्डलाई ३–२ ले पराजित हो।&nbsp; नाथन टेल्लाले खेल सुरु भएको २५ सेकेन्डमै गोल गर्दै लेभरकुजेनलाई सुरुआती अग्रता दिलाएका थिए। प्याट्रिक शिकले आठौं मिनेटमा अर्को गोल गरे। १२औं मिनेटमा जेमी गिटेन्सले घरेलु टोलीलाई २–१ को स्थितिमा ल्याए। तर, १९औं मिनेटमा प्याट्रिकले अर्को गोल थप्दै अग्रता ३–१ मा पुर्‍याए।&nbsp; ७९औं मिनेटमा लेभरकुजेनका एडमन्ड टाप्सोबाले गरेको गल्तीका कारण डर्टमन्डलाई पेनाल्टी दिइएको थियो, जसलाई सेरहो गुइरासीले गोलमा परिणत गरेपनि ३–२ को हार बेहोर्न बाध्य भयो। यो जितसँगै लेभरकुजेन तालिकाको शीर्षस्थानमा रहेको बायर्न म्युनिखसँग एक अंकले मात्र पछाडि छ।&nbsp;

लेभरकुजेनको पुनरागमन जित

काठमाडौं। बागमती युथ क्लबले एन्फा महिला लिगअन्तर्गत दोस्रो चरणमा पहिलो जित निकालेको छ।&nbsp; सातदोबाटोस्थित एन्फा कम्प्लेक्सको मैदानमा शुक्रबार भएको खेलमा बागमतीले वालिङ नगरपालिकालाई २–० ले पराजित गरेको हो।&nbsp; बागमतीको जितमा अस्मिता खवास र विष्णुमाया बलले गोल गरिन्। यी दुबै गोल दोस्रो हाफमा सम्भ्व भएको हो। पहिलो हाफ गोलरहित बराबरीमा सक्किएको थियो। दोस्रो हाफ सुरु भएको सातौं मिनेटमै अस्मिता खवासले बागमतीलाई सुरुआती अग्रता दिलाइन्। ७५औं मिनेटमा विष्णुमाया बलले अर्को गोल थप्दै बागमतीको जित पक्का गरिन्। जितसँगै बागमतीले तीन अंक जोडेको छ। वालिङ भने जितविहीन छ।&nbsp;

बागमतीको पहिलो जित

काठमाडौं । आइसिसी यु-१९ महिला टी२० विश्वकपका लागि मलेसिया जाने नेपाली टोलीको बिदाइ गरिएको छ।&nbsp; नेपाल क्रिकेट संघ (क्यान)ले शुक्रबार काठमाडौंमा एक कार्यक्रमकाबीच नेपाली टोलीको बिदाइ गरेको हो। प्रतियोगिताका लागि नेपाली टोली शनिबार दिउँसो मलेसिया प्रस्थान गर्नेछ। महेशप्रसाद रिजाल प्रशिक्षक रहेको टोलीको कप्तानी पूजा महतोले गर्नेछिन्। विश्वकप माघ ५ देखि २० सम्म मलेसियामा हुँदैछ। १६ टोली सहभागी हुने विश्वकपको समूह ‘डी’ मा नेपालसहित अस्ट्रेलिया, बंगलादेश र स्कटल्यान्ड छन्। नेपालका लागि बंगलादेशबाहेक अन्य नयाँ प्रतिद्वन्द्वी हुन्। नेपालले माघ ५ मा बंगलादेशसँग खेल्दै प्रतियोगिता सुरु गर्नेछ। यसैगरी नेपालले माघ ७ मा स्कटल्यान्ड र ९ मा अस्ट्रेलियासँग खेल्नेछ। बिदाइ कार्यक्रममा युवा तथा खेलकुद मन्त्री तेजुलाल चौधरी, क्यानका सचिव पारस खड्का, उपाध्यक्ष रोशन सिंह, सदस्यहरु, महिला सिनियर टोलीकी कप्तान इन्दु बर्मालगायतको उपस्थिति थियो।

विश्वकप खेल्ने नेपाली टोलीको बिदाइ

काठमाडौं । रियल मड्रिड स्पेनिस सुपर कपको फाइनल प्रवेश गरेको छ। साउदी अरेबियाको किंग अब्दुल्लाह स्पोर्टस सिटीमा बिहीबार भएको खेलमा रियालले मायोर्कालाई ३–० ले पराजित गरेको हो। रियलको जितमा जुड बेलिङघम, मार्टिन भाल्जेन्ट रोड्रिगोले गोल गरे। खेलको ६३औं मिनेटमा बेलिङघमको गोलमार्फत रियालले अग्रता लिएको थियो। इन्जुरी समयमा भाल्जेन्टले टोलीको अग्रता दोब्बर बनाए। इन्जुरी समयमै रोड्रिगोले गोल गर्दै रियाललाई सहज जित दिलाए।यो जितसँगै रियलले अब उपाधिका लागि रियालले बार्सिलोनाको सामना गर्नेछ।

रियल सुपर कपको फाइनलमा

काठमाडौँ । एन्फा महिला लिगको दोस्रो चरणमा बिहीबार भएको विभागीय डर्बीअन्तर्गत एपिएफ क्लबले नेपाल पुलिस क्लबमाथि सानदार जित हासिल गरेको छ। सातदोबाटोस्थित अखिल नेपाल फुटबल संघ (एन्फा) मुख्यालय मैदानमा भएको खेलमा एपिएफले पुलिसलाई ६–० ले पराजित गरेको हो। एपिएफको जितमा कप्तान अनिता बस्नेतले ह्याट्रिक पूरा गरिन्। उनले खेलको १०औँ मिनेट, अतिरिक्त समयको दोस्रो तथा तेस्रो मिनेटमा ह्याट्रिक पूरा गरिन्। सरु लिम्बुले दुई र रेनुका नगरकोटेले एक गोल गरिन्। जितसँगै तीन खेलबाट ९ अंक जोडेको एपिएफ शीर्ष स्थानमा उक्लिएको छ। यता पराजित पुलिस चार खेलबाट सात अंक रहेको छ। यसअघि एपिएफ पहिलो&nbsp;चरणमा शीर्ष स्थानमा रहँदै दोस्रो चरणमा पुगेको हो।

Nepal Sports

MENU

FOOTBALL LEAGUE

FAVORITE CLUB

📰 Recent News