इंग्लिस प्रिमियर लिगमा शनिबार लिड्स युनाइटेड र न्युकासल युनाइटेडले गोलरहित बराबरी खेलेका छन् । दुवै टिमका लागि यो निराशाजनक स्कोर रहेको छ ।

लिड्सको दुई खेलबाट चार अंक भएको छ । न्युकासल भने दुई अंकमै सीमित रहेर १५ औं स्थानमा रह्यो । दुवै टिमले बुनेका कुनै पनि आक्रमण निर्णायक सावित भएनन् ।

लिगका शनिबार भएका अन्य खेलमा म्यानचेस्टर युनाइटेडले बर्नलीलाई ३–२, बर्नमाउथले टोटनहमलाई १–०, सन्डरल्यान्डले ब्रेन्टफोर्डलाई २–१ र एभरटनले उल्भ्सलाई ३–२ ले हरायो ।