इंग्लिस प्रिमियर लिगमा म्यानचेस्टर सिटी आइतबार ब्राइटनको हातबाट २–१ ले पराजित भएको छ । ब्राइटनले एक गोलले पछाडि रहेको स्थितिबाट यो जित निकालेको हो । सिटीले ३४ औं मिनेटमा इर्लिङ हालान्डको गोलले अग्रता लिएको थियो ।

त्यसपछि जेम्स मिल्नरले ६७ औं मिनेटमा पेनाल्टीबाट बराबरी गोल गरे । ब्राजन ग्रुडाले खेल सकिन एक मिनेट अगाडि निर्णायक गोल गरे । सिटीले तीन खेलबाट तीन अंक मात्र बुटल्न सकेको छ । ब्राइटनको भने चार अंक भएको छ ।

आइतबारको अर्को खेलमा वेस्ट ह्यामले नटिङघम फरेस्टलाई ३–० ले पराजित गर्‍यो । त्यसमा जारोड बोवेन, लुकास पाक्वेटा र कलम विल्सनले गोल गरे । पाक्वेटाको गोल पेनाल्टीबाट भएको थियो । तीनै गोल खेलको ८४ मिनेट पछि भएको थियो । फरेस्ट हारपछि चार अंकमै सीमित रह्यो । वेस्ट ह्यामको भने तीन अंक भएको छ ।