यामल फर्केपछि स्पेन लयमा

लामिन यामल फर्केपछि स्पेनले लय हात पारेको छ र यसक्रममा विश्वकप २०२६ मा शनिबार साउदी अरेबियालाई सजिलै ४–० ले पराजित गरेको छ । एटलान्टामा भएको खेलमा यामलले नै दसौं मिनेटमा गोलको खाता खोले ।

त्यसपछि २४ मिनेटभित्र मिखेल ओयारजबईले दुई गोल थपे । हसन अल–तामबाक्टीको आत्मघाती गोलले साउदी टिमको एकपक्षीय हारको औपचारिकता पूरा भएको थियो । यो जितपछि स्पेन समूह एच को शीर्षमा उक्लेको छ ।

चोटका कारण यामलले दुई महिनायता पहिलो पटक स्पेनका लागि सुरुदेखि खेलेको थिए । उपाधिको बलियो दावेदार मानिएको स्पेन पहिलो खेलमा केप भार्डेसँग निराशाजनक गोलरहित बराबरीमा रोकिएको थियो ।