पाँच टिमले खेल्दै साफ क्लब वुमेन्स च्याम्पियनसिप

काठमाडौं– दक्षिण एसियाली फुटबल महासंघले पहिलो पटक आयोजना गर्न लागेको साफ क्लब वुमेन्स च्याम्पियनसिप २०२५ मा पाँच क्लब सहभागी हुने भएको छ । प्रतियोगिता डिसेम्बर ५ देखि २० सम्म हुनेछ ।

महासंघले शुक्रबार जनाए अनुसार सहभागी हुने टिममा नेपालको एपीएफ, भारतको इस्ट बंगाल, भुटानको ट्रान्सपोर्ट युनाइटेड, पाकिस्तानको कराँची सिटी र बंगलादेशको नासरिन स्पोर्टस एकेडेमी छन् ।

महासंघले दक्षिण एसियामा महिला फुटबलको क्लब प्रतियोगिता गर्न लागेको यो पहिलो पटक हो । महासंघले यसलाई ऐतिहासिक भएको पनि जनाएको छ ।