वेस्ट इन्डिजलाई हारको दबाब

वेस्ट इन्डिजले पाकिस्तानविरुद्धको दोस्रो तथा अन्तिम टेस्टको तेस्रो दिन बुधबार ६० रनको अग्रता लिएको छ र तर घरेलु टिममाथि हारको दबाब पनि बनेको छ । दिनको खेल समाप्त हुँदा वेस्ट इन्डिलले आफ्नो दोस्रो इनिङ्समा ६ विकेट गुमाएर १ सय ३ रन बनाएको छ ।

जस्टिन ग्रेभ्स १ रन बनाएर खेलिरहेका छन् । सजिद खानले ३२ रनमा ४ तथा अली उस्मनले २९ रनमा २ विकेट लिएपछि वेस्ट इन्डिज दबाबमा आएको थियो । ओपनर कभेम होडजको ३४ रन नै सर्वााधिक ठूलो व्यक्तिगत स्कोर रह्यो ।

त्यस अगाडि पाकिस्तान आफ्नो पहिलो इनिङ्समा ३ सय ८७ रन बनाएर अलआउट भएको थियो । त्यसमा अब्दुल्लाह सफिकले सर्वाधिक १ सय ६० रन बनाए । उनले ३ सय २३ रनको सामना गरेरन १५ चौका र ३ छक्का प्रहार गरे ।