कर्णालीमाथि प्रभुत्व राख्दै काठमान्डुको उत्कृष्ट जित

काठमान्डु गोर्खाजले नेपाल प्रिमियर लिग (एनपीएल) तेस्रो सिजनको सोमबारको खेलमा कर्णाली याक्समाथि उत्कृष्ट चार विकेटको जित निकालेको छ । प्रतियोगितामै कर्णालीले अहिलेसम्म काठमान्डुलाई हराउन सकेको छैन् ।

यो सिजन काठमान्डुको यो पहिलो जित हो । कर्णालीले भने लगातार दुई खेल जितेपछि पहिलो हार बेहोरको छ । जितका लागि १ सय ८१ रन पछ्याएको काठमान्डुले छ विकेट गुमाएर १९.४ ओभरमा विजयी बनाएको हो ।  

काठमान्डुको जितका प्रमुख नायक रहे, रसिद खान । उनले ३३ बलमा ५० रन बनाए । रसिदले तीन चौका र दुई छक्का प्रहार गरे । यस्तै करण केसीले २० बलमा ४४ रन जोडे ।

काठमान्डुले टस जितेपछि कर्णालीले पहिले ब्याटिङ गरेको थियो र यसक्रममा छ विकेट गुमााएर १ सय ८० रन बनाएको थियो । उसका लागि ओपनर अरिफुल २२ बलमा ४४ रन बनाए र यो नै सर्वाधिक ठूलो स्कोर रह्यो ।

उनले पाँच चौका र तीन छकका प्रहार गरे । यस्तै हुसेन तलतले ३० बलमा ४० रन बनाए । पवन सर्राफले नटआउट रहेर ३० रन बनाए ।