भ्यालेन्सियालाई सजिलो तीन अंक

भ्यालेन्सियाले स्पेनी ला लिगामा शुक्रबार राति गेटाफेलाई सजिलै ३–० ले पराजित गरेको छ । लिगका आफ्नो उद्घाटन खेलमा बराबरीमा रोकिएयता भ्यालेन्सियाको यो पहिलो जित हो ।

यस्तोमा उसको दुई खेलबाट चार अंक भएको छ र टिम आफ्नो अपराजित यात्रा कायम राख्न सफल रह्यो । मोक्टर डिखाबेले ३० औं मिनेटमा गोलको खाता खोले ।

त्यसपछि आरमट ग्रानेभेल्डले ५४ औं मिनेटमा दोस्रो गोल थपे । तेस्रो गोल भने ह्युगो डोराको नाममा रह्यो । उनले दोस्रो हाफको इन्ज्युरी समयको सातौं मिनेटमा गोल गरेका हुन् ।