उरुग्वेसँग केप भार्डेको बहादुरीपूर्ण बराबरी
केप भार्डेले विश्वकप २०२६ मा अर्को उत्कृष्ट प्रदर्शन पस्कदै पूर्व च्याम्पियन उरुग्वेलाई आइतबार २–२ को बहादुरीपूर्ण बराबरीमा रोकेको छ । यो नतिजापछि समूह एच मा दुवै टिम समान दुई दुई अंकमा रहे । दुवै टिमको यो दोस्रो बराबरी हो ।
स्पेन चार अंकमा यो समूहको शीर्षमा छ । त्यसपछि उरुग्वे र विश्वकपमा डेब्यु गरिरहेको केप भार्डे रहेका छन् । साउदी अरेबिया भने एक अंकमा चार टिममध्ये सबैभन्दा पुछारमा रहेको छ ।
मियामीमा भएको खेलमा केप भार्डेले केभिन पिनले २२ औं मिनेटमा गरेको गोलको मदतले अग्रता लिएको थियो । यो नै विश्वकपमा केप भार्डेको पहिलो ऐतिहासिक गोल रह्यो । पहिलो हाफको अन्त्यतिर उरुग्वे दुई गोल गर्न सफल रह्यो ।
म्याक्सिमिलिनो एराजुले ४४ औं मिनेटमा बराबरी गोल गरेपछि अगस्टिन कोनाबिओले इन्ज्युरी समयमा दोस्रो गोल थपे र उरुग्वे खेलमा अगाडि रह्यो । खेलको ६१ औं मिनेटमा केप भार्डे फेरि खेलमा फर्केको थियो ।
हेलो भारेलाले उसका लागि गोल गरेका हुन् । खेलको अन्त्यतिर उरुग्वेले खेल नियन्त्रणमा लिए पनि थप गोल भएन् । केप भार्डेले यसअघिको खेलमा स्पेनलाई गोलरहित बराबरीमा रोकेर सनसनी मच्चाएको थियो ।
| # | टिम | P | W | Pts |
|---|---|---|---|---|
| 1 | 
Nepal Women |
3 | 2 | 6 |
| 2 | 
Uzbekistan Women |
1 | 1 | 3 |
| 3 | 
Laos Women |
1 | 0 | 0 |
| 4 | 
Sri Lanka Women |
1 | 0 | 0 |
