साफ च्याम्पियनसिपको लागि नेपाली टोली घोषणा

काठमाडौं। माल्दिभ्समा आयोजना हुने साफ यु–२० च्याम्पियनसिपका लागि नेपाली टोली घोषणा भएको छ।

मंगलबार मुख्य प्रशिक्षक उर्जन श्रेष्ठले मार्च २३ देखि अप्रिल ४ सम्म हुने प्रतियोगिताको लागि धर्मेन्द्र कुँवरको कप्तानीमा २३ सदस्यीय अन्तिम टोली घोषणा गरेको हो।

समूह ‘ए’मा रहेको नेपालले उद्घाटन खेलमा भुटानसँग प्रतिस्पर्धा गर्नेछ। खेल नेपाली समयअनुसार दिउँसो ४ः३० बजे हुनेछ।