साफ यू-१९ च्याम्पियनसिप नेपालले आयोजना गर्ने

नेपालले साफ यू-१९ च्याम्पियनसिप आयोजना गर्ने भएको छ। अखिल नेपाल फुटबल संघ (एन्फा)का महासचिव किरण राईले नेपालले साफ आयोजना गर्ने जानकारी दिएका हुन्। 

उनका अनुसार प्रतियोगिता असोज ४ देखि १३ गतेसम्म हुने छ। यसअघि यो प्रतियोगिता साफ यू-२० को नामबाट आयोजना भएको थियोे। 

भारतमा भएको प्रतियोगिताको फाइनलमा घरेलु टोलीले बंगलादेशलाई पेनाल्टी सुटआउटका ५-२ गोलअन्तरले पराजित गर्दै दोस्रोपटक उपाधि जितेको थियोे। 

सिंगल राउन्ड रोबिनमा भएको प्रतियोगितामा नेपाल तेस्रो भएको थियो। नेपालले माल्दिभ्स र श्रीलंकालाई पराजित गरेको थियो।

यस्तै, बंगलादेशलाई १-१ गोलको बराबरीमा रोकेको थियोे। तर, भारतसँग भने ८-० को फराकिलो हार बेहोरेको थियोे।