पीएसजीको पहिलो लिग जित

फेरान टोरेसले गरेको एक मात्र निर्णायक गोलको मदतले पेरिस सेन्ट जर्मेन (पीएसजी) ले फ्रान्स लिग वानमा ब्रेस्टलाई १–० ले हराएको छ र यससँगै नयाँ सिजनको पहिलो जित निकालेको छ ।

लुइस एनरिकेको युरोपेली च्याम्पियन पीएसजीले यसअघिका तीन खेलमा दुई अंक मात्र हात पारेको थियो र अविश्वसनीय ढंगले खराव सुरुआत लिएको थियो ।

तर अहिलेको जितले प्रशिक्षक र टिम दुवैलाई राहत दिनेछ । खेलको एक मात्र गोल नयाँ अनुबन्धित खेलाडी टोरेसले पाँचौं मिनेटमै गरे र यो नै अन्ततः निर्णायक सावित भयो ।

यो जितपछि पीएसजी पाँच अंकमा सातौं स्थानमा रह्यो । लिल र मोनाको दस दस अंकमा लिग तालिकाको सुरुआती दुई स्थानमा छन् ।