← समाचारमा फर्कनुस्
Other Sports Nov 21, 2026 · Swadesh

तेस्रो राप्तीसोनारी नेचर रनको उपाधि स्वस्तिका र टेकेन्द्रलाई

तेस्रो राप्तीसोनारी नेचर रनको उपाधि स्वस्तिका र टेकेन्द्रलाई

तेस्रो राप्तीसोनारी नेचर रनको उपाधि स्वस्तिका शाही र टेकेन्द्र डांगीले शनिवार जितेका छन् । 

बाँकेको राप्तीसोनारीस्थित मदुवामा भएको दौडमा १० किलोमिटर खुला महिलातर्फ स्वस्किाले प्रथम स्थान हासिल गर्दा रीता कुसारी दोस्रो र नन्दिता थारु तेस्रो भए । खुला पुरुषतर्फ टेकेन्द्रसँगै निराजन चौधरीले दोस्रो र प्रशान्त तामाङले तेस्रो स्थान हासिल गरे। 

राप्तीसोनारी पालिका अन्तर्गतका स्कुल स्तरीय छात्रतर्फ भबिन्द्र बोहरा, समिर थारु र बिशाल यादवले क्रमशः शीर्ष तीन स्थान हासिल गर्दा छात्रातर्फ ३ किलोमिटरमा रेणुका चौधरी, अनुजा थारु र निस्मा थारु क्रमशः पहिलो, दोस्रो र तेस्रो भए । तीन सय बढी धावकको सहभागिता रहेको दौडमा सबै विधाका शीर्ष तीनजनालाई नगद तीन हजार, दुई हजार र एक हजार सहित पदकले पुरस्कृत गरियो । जर्मनीमा बसोबास गर्दै आएका मदुवानिवासी पुर्व राष्ट्रिय खेलाडी तीर्थ ओलीको पहलमा धारा नेपालगन्ज म्याराथनको भगिनी दौड कार्यक्रमका रुपमा राप्तीसोनारी नेचर रन हरेक वर्ष हुँदै आएको छ ।

 यसका शीर्ष दश जनालाई मंसिर १२ गते हुने धारा नेपालगन्ज म्याराथनको १२औं संस्करणमा स्वतः सहभागिता दिइने रेस डाइरेक्टर चन्द्र गुरुङले जानकारी दिए । 

एक किलोमिटर वाकाथनमा राप्तीसोनारीका अध्यक्ष तप्त पौडेल, उपाध्यक्ष मनिषा थारु, पुर्व प्रदेश सभा सदस्य कृष्णाकेसी नमुना लगायत झण्डै सय जनाले भाग लिएका थिए । पालिका अध्यक्ष पौडलले दौडको उदघाटन गर्नुहुँदै तेस्रो संस्करणदेखि सिंगो पालिका र वडा नं २ ले समेत अपनत्व लिएको जानकारी गराउँदै यसको निरन्तरताको आधार तयार भएको बताउनुभयो । 
लुम्बिनी प्रदेशसभा पुर्व सदस्य कृष्णा केसी, वडाध्यक्ष ज्ञानेन्द्र ओली, धारा नेपालगन्ज म्याराथनका संस्थापक टीएस ठकुरी लगायतले विजयी खेलाडीलाई पुरस्कृत गरेका थिए ।

AFC Asian Cup Qualifier
#टिमPW Pts
1 Nepal Women Nepal Women 3 2 6
2 Uzbekistan Women Uzbekistan Women 1 1 3
3 Laos Women Laos Women 1 0 0
4 Sri Lanka Women Sri Lanka Women 1 0 0
🏆FIFA International Friendly
1 Thailand Women Thailand Women 1 3
2 Nepal Nepal 2 2
3 Hong Kong Hong Kong 1 1
4 Bangladesh Bangladesh 1 1
सबै समूह →