शुक्रबारदेखि काठमाडौं महानगरपालिका अन्तर वडाव्यापी गणेशमान स्मृति खुला तेक्वान्दो हुने

काठमाडौं। आगामी शुक्रबारदेखि काठमाडौं महानगरपालिका अन्तर वडाव्यापी वीर गणेशमान स्मृति रनिङ शिल्ड खुला तेक्वान्दो प्रतियोगिता हुने भएको छ ।

काठमाडौं महानगरपालिका वडा-२२ को आयोजना र संकटा क्लब सहआयोजनामा आगामी माघ २३ र २४ गते संकटाको टेबहाल परिसरमा हुने भएको हो । आयोजकले बुधबार पत्रकार सम्मेलन आयोजना गर्दै 

नेपालको प्रजातान्त्रिक आन्दोलनका योद्धा वीर गणेशमान सिंहको स्मृतिमा प्रतियोगिता गर्न लागेको जनाएको छ । यस प्रतियोगितामा काठमाडौं महानगरपालिकाका ३२ वटै वडाका खेलाडीले प्रतिस्पर्धा गर्नेछन् । प्रतियोगितामा कुल ६ सय ४० खेलाडी सहभागी हुने अनुमान गरिएको छ । त्यसमा पुरुष तीन सय २० र महिला तीन सय २० जना खेलाडी रहनेछन् । प्रत्येक टिमबाट अधिकतम् २० जना खेलाडी सहभागी हुन पाउने व्यवस्था गरिएको छ । प्रतियोगिताको प्राविधिक सहयोग नेपाल तेक्वान्दो संघले प्रदान गर्नेछ ।

प्रतियोगितामा ग्योरोगी (प्थयचगनष्) तर्फ पुरुष र महिलामा समान आठ तौलसमूहमा प्रतिस्पर्धा हुनेछ । फाइटमा महिलातर्फ २०–२४ केजी, २४–२८ केजी, २८–३२ केजी, ३२–३६ केजी, ४०–४४ केजी, ४४–४८ केजी र ४८–५२ केजी तौलसमूहमा प्रतिस्पर्धा हुनेछ । पुरुषतर्पm पनि सोही तौलसमूहमा खेल हुनेछ । यसैगरी, एकल पुम्से (एययmकबभ) तर्फ पुरुष तथा महिलामा दुई उमेरसमूह १२ वर्षमुनि र १२ वर्षदेखि १६ वर्षसम्म प्रतिस्पर्धा हुनेछ । प्रतियोगितामा कुल २० स्वर्ण, २० रजत र ४० कांस्य पदक प्रदान गरिनेछ । खेलाडीहरूलाई पदकसँगै नगद पुरस्कारको व्यवस्था पनि गरिएको छ ।

स्वर्ण पदक विजेताले तीन हजार, रजत पदक विजेताले दुई हजार र कांस्य पदक विजेताले एक हजार नगद पुरस्कारका साथै पदक प्राप्त गर्नेछन् । टिम च्याम्पियनले ट्रफी पनि पाउनेछ । उक्त प्रतियोगिता सञ्चालनका लागि अनुमानित १० लाख रुपैयाँ बजेट विनियोजन गरिएको आयोजकले जनाएको छ । प्रतियोगिताले महानगरस्तरमा तेक्वान्दो खेलको विकास, खेलाडीहरूको प्रतिभा पहिचान तथा युवा पुस्तामा खेलकुदप्रतिको आकर्षण बढाउने विश्वास लिइएको छ ।