फेदरवेटको उपाधि पुनः अलेक्जेन्डर भोल्कानोभ्स्कीलाई

अष्ट्रेलियाका अलेक्जेन्डर भोल्कानोभ्स्कीले युएफसी ३३३ को मुख्य इभेन्टमा रुसका पहिले अजेय रहेका मोभ्सार एभ्लोभलाई दोस्रो राउन्डमा टेक्निकल नकआउट  गर्दै फेदरवेट उपाधि सफलतापूर्वक रक्षा गरेका छन्। एतिहाद एरिनामा शनिबार भएको खेलको दोस्रो राउन्डको अन्तिम ६ सेकेन्डमा रेफ्री मार्क गोडार्डले खेल रोकेका थिए।

३८ वर्षीय भोल्कानोभ्स्कीले यो जितसँगै युएफसी फेदरवेट इतिहासमा सबैभन्दा धेरै नौं पटक उपाधि जित्ने पहिलो खेलाडी बनेका छन्। उनले ब्राजिलका जोसे अल्डोको आठ पटकको रेकर्ड तोडेका हुन्। यो जित उनको एमएमए करियरको २९औं जित (२९-४) हो भने एभ्लोभलाई उनको पहिलो व्यावसायिक हार (२०-१) सामना गराएको थियो।

पहिलो राउन्डमा एभ्लोभले केही राम्रा स्ट्राइक र तीन पटक टेकडाउन गरे पनि भोल्कानोभ्स्की खेलमा फर्किए। दोस्रो राउन्डमा उनले आफ्नो समय पहिल्याउँदै दायाँ हातको प्रहारले प्रतिद्वन्द्वीलाई तल खसाले र त्यसपछि लगातार ग्राउन्ड स्ट्राइकहरू प्रहार गरे। 

यसै युएफसी ३३३ को सह-मुख्य खेलमा रुसका पेट्र यानले जर्जियाका मेराब द्भालिस्भिलीलाई सर्वसम्मत निर्णयमा पराजित गर्दै ब्यान्टमवेट उपाधिको सफल पहिलो रक्षा गरेका छन्।