सेनेगल होइन, मोरक्को अब च्याम्पियन

सन् २०२६ को अफ्रिकी कप अफ नेसन्सको विजेता अब आयोजक मोरक्को हुने भएको छ । अफ्रिकी फुटबल महासंघ (काफ) ले मंगलबार सनसनीपूर्ण रूपमा सेनेगलबाट उपाधि खोसेको छ ।

काफले मोरक्को उल्टै ३–० ले विजेता बनेको घोषणा गरेको छ । रबाटमा भएको जनवरी १८ को फाइनलको दोस्रो हाफको इन्ज्युरी समयमा मोरक्कोको पक्षमा पेनाल्टीको निर्णय सुनाइएपछि सेनेगलका अधिकांस खेलाडीले त्यसको विराधेमा मैदान छाडेका थिए ।

कप्तान साडियो मानेको अनुरोधमा केही समयपछि सेनेगलका खेलाडी मैदानमा फर्के, तर मोरक्को त्यस पेनाल्टीमा गोल गर्न चुकेको थियो । त्यसपछि पापे गुयेले गोल गरे र सेनेगल १–० ले विजयी रह्यो ।

मोरक्कोको अपिलपछि काफले उसको पक्षमा ३–० को नतिजा सुनाएको छ र सेनेगलले त्यस फाइनल छाडेको स्थिति मानिएको छ । प्रतियोगिताको नियम अनुसार कुनै टिमले रेफ्रीको निर्णय विना खेल छाडेमा अथवा खेल्न अस्विकार गरेमा त्यसलाई पराजित मानिने भनिएको छ ।