सलाहको पेनाल्टीमा लिभरपुल विजयी

इंग्लिस प्रिमियर लिगमा लिभरपुलले आफ्नो शतप्रतिशत सुरुआतलाई कायम राखेको छ । टर्फ मुरमा भएको खेलमा लिभरपुलले बर्नलीलाई १–० ले हराएको हो ।

मोहमद सलाहले दोस्रो हाफको इन्ज्युरी समयको चौथो मिनेटमा पेनाल्टीबाट निर्णायक गोल गरे । बर्नली खेलको अन्त्यमा दस खेलाडीमा सीमित रहेको थियो ।

लेस्ली युगोचोक्वु ८४ औं मिनेटमा रातो कार्ड खाएर मैदान छाड्न बाध्य रहे । लिभरपुलको अब चार खेलबाट १२ अंक भएको छ र फेरि लिग तालिकाको शीर्ष स्थानमा उक्लेको छ ।