महिला फाइनलमा सबलेन्का र रेबकिना

यूएस ओपन २०२६ को महिला एकल फाइनलमा आरयना सबलेन्का र एलेना रेबकिना भिड्ने भएका छन् । बेलारुसकी दुई पल्टकी डिफेन्डिङ च्याम्पियन सबलेन्काले पहिलो सेमिफाइनलमा जेसिका पेगुलालाई ७–५ र ६–२ ले हराइन् र लगातार तेस्रो पल्ट उपाधि जित्ने सम्भावनालाई जीवन्त राखिन् ।

सबलेन्काले यूएस ओपनमा हात पारेको यो लगातार २० औं जित हो र सन् २०२३ को फाइनल हारयता कुनै पनि खेलमा हारको सामना गर्नु परेको छैन् ।

दोस्रो सेमिफाइनलमा भने रेबकिनाले कोका गउफलाई ३–६, ६–४ र ६–४ ले पराजित गरिन् । उनको यूएस ओपनमा यसअघिको सबैभन्दा राम्रो प्रदर्शन भनेकै चौथो चरणसम्मको यात्रा रहेको थियो ।