निसमाथि रोमा विजयी

युरोपेली क्लब फुटबलको दोस्रो ठूलो प्रतियोगिता युरोपा लिगको लिग चरणका खेल बुधबारदेखि सुरु भएको छ र पहिलो दिनको सबैभन्दा ठूलो खेलमा एएस रोमाले निसलाई २–१ ले पराजित गरेको छ ।

रोमाका लागि इभान डिका र जियानलुका मानचिनीले गोल गरे । निसका लागि घरेलु मैदानमा टेरेम मोफिले पेनाल्टीबाट ७७ औं मिनेटमा एक गोल फर्काए ।

अन्य प्रमुख खेलमा रियल बेटिस र नटिङघम फरेस्टले २–२ को बराबरी खेले भने डायनामो जागरेभले फेनाबाचेलाई ३–१, फ्रेबर्गले बासेललाई २–१ तथा ब्रागले फायनउडलाई १–० ले हरायो ।