एनभिए भलिबल लिगमा पुलिस विजयी

काठमाडौं । आठौँ प्रधानमन्त्री कप एनभिए महिला तथा पुरुष भलिबल लिगमा विभागीय टोली नेपाल पुलिस क्लबले विजयी भएकाे छ।  

त्रिपुरेश्वस्थित राष्ट्रिय खेलकुद परिषद् (राखेप)को कबर्डहलमा मंगलबार सम्पन्न पहिलो खेलमा पुलिसले कोशी प्रदेश खेलकुद विकास बोर्डलाई ३–० को सोझो सेटमा पराजित गरेको हो।

पुलिसले पहिलो सेट २५–१६, दोस्रो सेट २५–१५ र तेस्रो सेट २५–२२ ले जित्यो। कोशीको यो लगातार चौथो हार हो। पुलिसको यो चौथो जित हो।