पाकिस्तान ८ विकेटले विजयी

पाकिस्तानले वेस्ट इन्डिजविरुद्धको दोस्रो तथा अन्तिम टेस्ट बिहीबार ८ विकेटले जितेको छ र यससँगै दुई टेस्टको सिरिज १–१ को बराबरीमा समाप्त भएको छ । जितका लागि ७५ रनको मात्र लक्ष्य पाएको पाकिस्तानले २ विकेट गुमाएर पूरा गरेको थियो ।

क्विन्स पार्क ओभलमा भएको टेस्टको चौथो दिन पाकिस्तानका लागि कप्तान बाबर आजम र अब्दुल्लाह सफिक समान २४ रन बनाएर नटआउट रहे । पहिलो इनिङ्समा शतक बनाएका सफिक प्लेयर अफ द म्याच रहे ।

त्यस अगाडि अली उस्मन र साजिद खानले चार चार विकेट लिएपछि वेस्ट इन्डिज दोस्रो इनिङ्समा १ सय १७ रन मात्र बनाएर अलआउट भएको थियो । पहिलो टेस्टमा वेस्ट इन्डिज ९० रनले विजयी रहेको थियो ।