पोखरामाथि लुम्बिनीको सजिलो जित

लुम्बिनी लायन्सले नेपाल प्रिमियर लिग (एनपीएल) तेस्रो सिजनको मंगलबार भएको खेलमा पोखरा एभेन्जर्समाथि सहज आठ विकेटको जित निकालेको छ । यो नतिजापछि डिफेन्डिङ च्याम्पियनको तीन खेलबाट पाँच अंक भएको छ र अहिलेसम्म अपराजित रहेको छ ।

यो जितसँगै लुम्बिनी अंक तालिकाको शीर्षमा पनि उक्लेको छ । पोखराको भने यो लगातार तेस्रो हार हो र यससँगको प्ले अफ पुग्ने सम्भावना कमजोर बनेको छ । कीर्तिपुरको टीयू मैदानमा पहिले ब्याटिङ गर्दै नौ विकेट गुमाएर ९७ रन बनाएको थियो ।

यसमा चामिका करुनारत्नेको २५ रन नै सर्वाधिक ठूलो स्कोर रह्यो । जवाफमा लुम्बिनीले ११.४ ओभरमा दुई विकेट मात्र गुमाएर ९८ रन बनायो । कप्तान रोहित पौडेलले नटआउट रहेर ४७ रन बनाए । उनले ३२ बलमा तीन चौका र तीन छक्का प्रहार गरे ।