पीएसजीको रोमाञ्चक विजय

पेरिस सेन्ट जर्मेन (पीएसजी) ले शनिबार फ्रान्सेली लिग वानमा नौ गोलको ‘थ्रिलर’ मा टुलोजलाई ६–३ ले पराजित गरेको छ । टुलोजको घरेलु मैदानमा भएको खेल पूरा नाटकीय रह्यो ।

पीएसजीलाई आफ्नो शतप्रतिशत सुरुआत कायम राख्नका लागि जाओ नेभासले ह्याट्रिक गरे । यस्तै ओसमन डेम्बेलाले पेनाल्टीबाट दुई गोल गरे । अर्को एउटा गोल भने ब्राडली बारकोलाको नाममा रह्यो ।

टुलोजको लागि भने चार्ली क्रेसवेल, याना जीबोहो र एलेक्स भोसाहले गोल गरे । यो जितपछि पीएसजीको तीन खेलबाट नौ अंक भएको छ र शीर्षमै कायम रह्यो ।