एन्गर्सलाई हराउन पीएसजीलाई गाह्रो

डिफेन्डिङ च्याम्पियन पेरिस सेन्ट जर्मेन (पीएसजी) ले फ्रान्सेली लिग–वानमा शुक्रबार राति एन्गर्सलाई १–० ले हराउन संघर्ष गर्नु परेको छ । लगातार दोस्रो जितपछि पीएसजीको छ अंक भएको छ ।

खेलको निर्णायक गोल भने फाबिन रुइजको नाममा रह्यो । स्पेनी मिडफिल्डरले खेलको ५० औं मिनेटमा एक मात्र गोल गरेका हुन् । पीएसजीका लागि ओसमन डेम्बेला भने पेनाल्टीबाट गोल गर्न चुके ।

लुइस एनरिकेको पीएसजीले लिगको पहिलो खेलमा पनि नेन्ट्सलाई १–० ले नै पराजित गरेको थियो । सुरुआती दुवै खेलमा विजयी रहे पनि पीएसजीको आक्रमण धारिलो देखिएको छैन् ।