एएफसी यू-२३ एसिया कप छनोट : नेपालले सिरियाको सामना गर्दै

काठमाडौँ । एएफसी यू-२३ फुटबल एसिया कप छनाेट अन्तर्गत नेपालले आज दोस्रो खेलमा सिरियाको सामना गर्दैछ ।

ताजिकिस्तानको दुशान्बेस्थित रिपब्लिकन सेन्ट्रल रंगशालामा हुने यो खेल नेपाली समय अनुसार ६:४५ बजेबाट सुरु हुनेछ ।

नेपालले यसअघि खेलेको पहिलो खेलमा ताजिकिस्तानसँग ४-० को हार बेहोरेको थियो । त्यस्तै सिरियाले आफ्नो पहिलो खेलमा फिलिपिन्समाथि २-१ को जित हासिल गरेको थियो ।  

समुह के मा रहेको नेपाल अंक विहिन छ । नेपालसहित यस समुहमा ताजिकिस्तान, फिलिपिन्स र सिरिया रहेका छन् । नेपालले अर्को खेल सेप्टेम्बर ९ मा फिलिपिन्ससँग खेल्ने तालिका रहेको छ । टाेलीकाे मुख्य प्रशिक्षकमा नविन न्यौपाने छन् ।