नेपालको लगातार दोस्रो जित

नेपालले आईसीसी मेन्स क्रिकेट वर्ल्डकप लिग–२ मा मंगलबार लगातार दोस्रो जित निकालेको छ । ओमन भ्रमणमा दोस्रो जितका लागि नेपालले आयोजक देशलाई १ सय १३ रनले पराजित गरेको हो । यो जितले अंक तालिकाको छैटौं स्थानमा नेपालका पकड अझ बलियो भएको छ ।

नेपालको अब २८ अंक भएको छ । अल अमेराट क्रिकेट मैदानमा टस जितेर नेपालले पहिले ब्याटिङ गर्ने निर्णय गरेको थियो र यसक्रममा ८ विकेटमा २ सय ६३ रनको स्कोर खडा गरेको थियो । त्यसमा रोहित पौडेलको सबैभन्दा बढी योगदान रह्यो ।

उनले ६७ बलमा ६१ रन बनाए र त्यसमा ३ चौका र १ छक्का सामेल थियो । यस्तै ओपनर अर्जुन कुमालले ४० रनको योगदान गरे । इनिङ्सको अन्त्यतिर करण केसीले १६ बलमा आक्रामक हुँदै ४० रन बनाए । उनले १ चौका र ४ छक्का प्रहार गरे । ओमानी बलरमध्ये साह फैेसल, सकिल अहमद र करण सोनाभाले २/२ विकेट लिए ।

 जवाफमा ओमानले ३७ ओभरमा सबै विकेट गुमाएर १ सय ५० रन मात्र बनाउन सक्यो । ओमानको सुरुआत राम्रो रहेन् र उसले ४१ रन बनाउँदासम्म ६ विकेट गुमाइसकेको थियो । त्यस स्थितिमा कप्तान विनायक सुक्लाले ७७ रन बनाए । उनले ८३ बलमा ६ चौका र १ छक्का प्रहार गरे । यस्तै जय ओडेड्राले २५ रन जोडे ।

नेपाली बलरमध्ये नन्दन यादव र कप्तान सन्दीप लामिछानेले ३/३ विकेट लिए।