← समाचारमा फर्कनुस्
Top Headlines Nov 21, 2026 · Swadesh

उपाधि भिडन्तमा लुम्बिनी लायन्स र सुदूरपश्चिम रोयल्स

उपाधि भिडन्तमा लुम्बिनी लायन्स र सुदूरपश्चिम रोयल्स

नेपाल प्रिमियर लिग (एनपीएल) को तेस्रो सिजनको शनिबार हुने फाइनलमा लुम्बिनी लायन्स र सुदूरपश्चिम रोयल्स भिड्दै छन् । गत सिजनको फाइनलमा पनि यिनै दुई टिम भिडेका थिए । यस्तै यो सिजनको पहिलो खेल र क्वालिफायर वानमा पनि यिनै दुई टिमबीच खेल भएको थियो ।

कीर्तिपुरको टीयू क्रिकेट मैदानमा हुने फाइनलमा डिफेन्डिङ च्याम्पियन रहेको लुम्बिनी उपाधिका लागि बलियो प्रत्यासी रहनेछ । दुई टिमबीचका पछिल्ला तीन खेलमा लुम्बिनी विजयी रहेको छ । यो नतिजाका बावजुत कप्तान रोहित पौडेल भने जितमा ढुक्क छैनन् ।

उनले पोस्ट म्याच कन्फ्रेन्समा भनेका छन्, ‘सुदूरपश्चिम बलियो टिम हो, यसअघिका तीन खेल जित्यो भन्दैमा हामी फाइनलमा विजयी हुनेछौं भन्ने हुन्न । फाइनलको दिन जसले राम्रो खेल्छ, त्यही टिम विजयी रहन्छ ।’ सुदूरपश्चिमका कप्तान दीपेन्द्रसिंह ऐरीले भने आफ्नो टिम फाइनलका लागि तयार रहेको बताएका छन् ।

लुम्बिनीले लिग चरणको समाप्तीमा शीर्षमा रहेर क्वालिफायर वानको यात्रा तय गरेको थियो । त्यसमा उसले सदूरपश्चिमलाई हराएको थियो । सुदूरपश्चिमले भने फाइनल प्रवेशका लागि क्वालिफायर टुमा चितवन राइनोजलाई पराजित गरेको थियो ।

अहिलेसम्म यी दुई टिमबीच पाँच खेल भएकोमा सुरुआती दुई सुदूरपश्चिमले जितेको थियो । त्यसपछि भने लुम्बिनी लगातार विजयी रहेको छ । सुदूरपश्चिम फाइनल पुगेको भने यो लगातार तेस्रो पल्ट हो । यसअघिका दुवै फाइनलमा यो टिम उपविजेतामै सीमित रहेको थियो ।

AFC Asian Cup Qualifier
#टिमPW Pts
1 Nepal Women Nepal Women 3 2 6
2 Uzbekistan Women Uzbekistan Women 1 1 3
3 Laos Women Laos Women 1 0 0
4 Sri Lanka Women Sri Lanka Women 1 0 0
🏆FIFA International Friendly
1 Thailand Women Thailand Women 1 3
2 Nepal Nepal 2 2
3 Hong Kong Hong Kong 1 1
4 Bangladesh Bangladesh 1 1
सबै समूह →