नेपालको बहराइनमाथि सात विकेटको जित

कप्तान सन्दीप लामिछानेको उत्कृष्ट बलिङको मदतले नेपालले एसीसी प्रिमियम लिगमा सोमबार बहराइनमाथि सात विकेटको सजिलो जित निकालेको छ । नेपालले टस जितेर पहिले बलिङको निर्णय गरेपछि बहराइनले ३६.२ ओभरमा अलआउट भएर ८७ रन बनाएको थियो ।

बहराइनलाई सस्तोमा समेट्न सन्दीप्ले पाँच विकेट लिए । उनले त्यसका लागि १४ रन मात्र खर्चे । यस्तै ललित राजंशवीले तीन र करण केसीले दुई विकेट लिए । बहराइनका लागि फइज महमदले बनाएको १५ रन नै सर्वाधिक ठूलो स्कोर रह्यो ।

जवाफमा नेपालले २१ ओभर मात्र उपयोग गरेर तीन विकेटमा ८८ रन बनायो र सजिलो जित आत्मसात् गर्न सफल रह्यो । ओपनर अर्जुन कुमाल ३६ रन बनाएर नटआउट रहे । यो जितले नेपाललाई सेमिफाइनल पुग्न पनि नेट रनरेटका कारण सहज बनाउन सक्नेछ ।