साफ यू–२० खेलेर नेपाली टोली स्वदेश फर्कियो

काठमाडौं। साफ यू–२० च्याम्पियनसिपमा सहभागिता जनाएर नेपाली राष्ट्रिय यू–२० फुटबल टोली आज स्वदेश फर्किएको छ।

टोलीलाई त्रिभुवन अन्तर्राष्ट्रिय विमानस्थलमा निलम्बित अखिल नेपाल फुटबल संघ (एन्फा)का प्रवक्ता सुरेश शाहले स्वागत गरे।

माल्दिभ्समा सम्पन्न प्रतियोगितामा नेपालले सेमिफाइनलसम्मको यात्रा तय गरेको थियो। समूह 'ए' काे बिजेता बन्दै अन्तिम चारमा पुगेको नेपाल फाइनल पुग्न भने असफल रह्यो।

सेमिफाइनलमा नेपाल बङ्गलादेशसँग १–० ले पराजित हुँदै प्रतियोगिताबाट बाहिरिएको थियो।