नेपोलीको राहतपूर्ण जित

नेपोलीले इटालीको सिरी ए मा शनिबार टुरिनोमाथि २–१ को राहतपूर्ण जित आत्मसात् गरेको छ । जनवरीको अन्त्ययता नेपोली घरमा विजयी रहेको यो पहिलो पटक हो ।

यो जितले लिग तालिकाको तेस्रो स्थानमा उसको पकड बलियो भएको छ । यो जितमा नेपोलीका लागि एलिसन सान्टोस र एलजिफ इल्मासले एक एक गोल गरे । सेसारे कासाडेइले टुरिनोका तर्फबाट एक गोल गरे ।

नेपोलीको अब २८ खेलबाट ५६ अंक भएको छ । टुरिनो भने ३० अंकमा १४ औं स्थानमा छ ।