नेपोलीका लागि डेब्युमा डे ब्रुएनाको गोल

केभिन डे ब्रुएनाले आफ्नो डेब्युमा गोल गरेपछि नेपोलीले इटालीको सिरी ए मा शनिबार ससुलोलाई २–० ले हराएको छ । डिफेन्डिङ च्याम्पियनका लागि डे ब्रुएनाले ५७ औं मिनेटमा आफ्नो गोलको खाता खोले ।

त्यस अगाडि स्कट म्याक टोमिनीले १७ औं मिनेटमा नेपोलीलाई अग्रता दिलाएका थिए । म्यानचेस्टर सिटीमा एक दशकको समय बिताएयता उनी इटाली आएका हुन् ।

लुका मोडरिच आएयता एसी मिलान भने उत्तिकै भाग्यमानी रहेन् र घरमै क्रेमोन्सको हातबाट २–१ ले पराजित रह्यो । एएस रोमाले भने बोलोग्नालाई १–० ले हरायो ।