मोरक्कोसँग हारेपछि क्यानाडा बाहिरिने पहिलो सह–आयोजक

क्यानाडा विश्वकप २०२६ बाट बाहिरिने पहिलो सह–आयोजक भएको छ । ह्युस्टनमा भएको अन्तिम १६ चरणको खेलमा मोरक्कोले आइतबार क्यानाडालाई सजिलै ३–० ले हरायो । यस जितपछि मोरक्को क्वाटरफाइनल पुगेको छ ।

कतारमा भएको पछिल्लो विश्वकपमा पनि मोरक्को सेमिफाइनलको यात्रा तय गर्न सफल रहेको थियो । जिरोनाका मिडफिल्डर एजेडिन ओनाहीले मोरक्कोको जितमा दुई गोल गरे । उनले ५० औं मिनेटमा गोलको खाता खोलेपछि ८२ औं मिनेटमा दोस्रो गोल थपे ।

दोस्रो हाफको इन्ज्युरी समयको आठौं मिनेटमा सोफिन रहिमीले तेस्रो गोल थपे र मोरक्कोको जितको औपचारिकता पूरा गरे । अब थप एक जितपछि मोरक्कोले सन् २०२२ को विश्वकपको प्रदर्शन दोहराउन सक्नेछ । क्यानााडले खेलको सुरुआतमा बलियो चुनौती पेस गरे पनि त्यसलाई दोस्रो हाफमा कायम राख्न सकेन् ।