स्विट्जरल्यान्ड लिग ए मा बढुवा

युरोपियन नेसन्स लिगको समूह चरणको अन्तिम खेलमा स्विट्जरल्यान्डले स्कटल्यान्डलाई ४-० ले पराजित गरेको छ। यस जितपछि स्विट्जरल्यान्डले ५ जित र १ बराबरीसहित १६ अंक जोडेर समूहको शीर्ष स्थानमा रहँदै अर्को सिजन लिग ए मा बढुवा भएको छ।
स्विट्जरल्यान्डले पहिलो हाफमै अग्रता लिएको थियो। खेलको २२औं मिनेटमा स्कटल्यान्डका लुइस फर्गुसनले आत्मघाती गोल गर्दा स्विट्जरल्यान्ड १-० ले अघि बढ्यो। दोस्रो हाफ सुरु भएलगत्तै स्विट्जरल्यान्डले लगातार दुई गोल थप्यो। ४७औं मिनेटमा विन्स्ले बोटेलीले गोल गरे भने ५१औं मिनेटमा अल्भिन सान्चेसले गोल गर्दै अग्रता ३-० पुर्याए। खेलको ८९औं मिनेटमा जेकी अम्दौनीले गोल गर्दै अन्तिम नतिजा ४-० पुर्याए।
यसका अतिरिक्त, स्विट्जरल्यान्डका मिडफिल्डर फ्रोइलरले राष्ट्रिय टोलीका लागि १००औं खेल खेले र पहिलो पटक कप्तानी गरे। अनुभवी डिफेन्डर रिकार्डो रोड्रिगेजले १५०औं अन्तर्राष्ट्रिय खेल पूरा गरे। स्कटल्यान्डका कप्तान एन्डी रोबर्टसनले १०३औं खेल खेलेर टोलीको इतिहासमा सबैभन्दा धेरै खेल खेल्ने खेलाडीको कीर्तिमान बनाए, तर टोलीको हारले यो उपलब्धि छायामा पर्यो।
यसै समुहको अर्को खेलमा स्लोभेनियाले उत्तर म्यासेडोनियालाई ३-० ले पराजित गरेको छ। स्लोभेनियाका लागि डेनियल स्टुर्मले दुई गोल गरे भने डेभिड जेकले एक गोल थपे।
यस जितपछि स्लोभेनियाले समूहमा दोस्रो स्थान हासिल गर्दै लिग ए मा बढुवाको प्लेअफ खेल्ने योग्यता प्राप्त गरेको छ। उत्तर म्यासेडोनियाले भने समूह चरणका सबै छ खेलमा पराजित भएर शून्य अंकका साथ अन्तिम स्थानमा रहँदै लिग बी मा रहन प्लेअफ खेल्नुपर्नेछ।
| # | टिम | P | W | Pts |
|---|---|---|---|---|
| 1 |
Nepal Women |
3 | 2 | 6 |
| 2 |
Uzbekistan Women |
1 | 1 | 3 |
| 3 | 1 | 0 | 0 | |
| 4 |
Sri Lanka Women |
1 | 0 | 0 |