लेन्सलाई हराएर मोनाको शीर्षमा

मोनाकोले फ्रान्सेली लिग वानमा शुक्रबार लेन्सलाई २–१ ले हराएको छ र अंक तालिकाको शीर्ष स्थानमा उक्लेको छ । यो जितपछि उसको पाँच खेलबाट १३ अंक भएको छ र अपराजित पनि छ ।

लेन्स भने चार अंकमा १० औं स्थानमा रह्यो । मोनाकोको जितका निर्णायक गोल भने आत्मघाती रह्यो र यो जोनाथन ग्राडिटको नाममा रह्यो ।

त्यस अगाडि मोनाकोले पारिस ब्रुनरको गोलले अग्रता लिएको थियो । दास्रो हाफमा म्याथी उडोलले बराबरी गोल फर्काए, तर यो लेन्सलाई हारबाट जोगाउन पर्याप्त रहेन् ।