एमबापेको दुई गोलमा रियल विजयी

केयलिन एमबापेको दुई गोलको मदतले रियल म्याड्रिडले स्पेनी ला लिगामा आफ्नो शतप्रतिशत सुरुआत कायम राख्यो र ओभिएडोलाई ३–० ले पराजित गर्‍यो । यससँगै एमबापले दुई खेलमा गरेको गोल संख्या तीन पुगेको छ ।

उनले ३७ औं मिनेटमा पहिलो गोल गरे र ८३ औं मिनेटमा दोस्रो गोल थपे । भिनिसियस जुनियरले दोस्रो हाफको इन्ज्युरी समयको तेस्रो मिनेट अर्को गोल गरे ।

यो नतिजापछि लिगको सुरुआती तालिकामा रियलसँगै बार्सिलोना र भिल्लारियलले दुई खेलबाट अधिक्तम छ अंक बटुलेका छन् ।