लगातार दोस्रो जितसँगै लुम्बिनी सेमिफाइनलमा

काठमाडौं । प्रथम सहाना प्रधान स्मृति यू–१९ पुरुष तथा महिला भलिबल प्रतियोगितमा लगातार दोस्रो खेलमा जित हासिल गरेको लुम्बिनी प्रदेशले सेमिफाइनलमा प्रवेश गरेको छ।

त्रिपुरेश्वरस्थित राखेप कभर्डहलमा बुधबार सम्पन्न खेलमा महिलातर्फ लुम्बिनीले कर्णाली प्रदेशलाई ३-० सेटमा पाखा लगाएको हो।

पहिलो सेट २५–१३, २५-१४ र २५-१६ ले आफ्नो पक्षमा पारेको थियो।

यो सँग लुम्बिनी प्रदेश लगातार दोस्रो जित हासिल गर्दै सेमिफाइनलमा प्रवेश गरेको छ। पराजित कर्णाली भने प्रतियोगिताबाट बाहिरिएको छ।